Atlee: అట్లీ మళ్లీ చేసి చూపించారు… ఇలాంటోళ్లు ఇంకెవరు అంటే?

September 9, 2023 / 02:48 PM ISTByFilmy Focus

Join Us

Atlee: అట్లీ మళ్లీ చేసి చూపించారు… ఇలాంటోళ్లు ఇంకెవరు అంటే?

సినిమాలు అన్నాక హిట్లు ఉంటాయి, ఫ్లాప్‌లు ఉంటాయి. కానీ అదేంటో కొంతమంది దర్శకులకు కేవలం హిట్లు మాత్రమే ఉంటాయి. ఏ సినిమా చేసినా, ఏ హీరోతో చేసినా, ఏ టైమ్‌లో చేసినా.. సీజన్‌తో, పర్సన్‌తో, కంటెంట్‌తో సంబంధం లేకుండా హిట్‌ పరంపర కొనసాగుతూనే ఉంటుంది. తాజాగా ఇలాంటి ఫామ్‌నే కంటిన్యూ చేశారు దర్శకుడు అట్లీ.

షారుఖ్‌ ఖాన్‌తో ‘జవాన్‌’ సినిమా చేసిన అట్లీ (Atlee) … తనకు అలవాటు అయిన రీతిలో విజయం సాధించేశాడు. అయితే ఇలాంటి దర్శకులు మన దగ్గర ఇంకొంతమంది ఉన్నారు. వాళ్లెవరో వాళ్ల సంగతేంటో చూద్దాం.

* భారతీయ సినిమా పరిశ్రమను, అందులోనూ సౌత్ సినిమా ఇండస్ట్రీ ఘనతను ప్రపంచవ్యాప్తం చేసిన దర్శకుడు ఎస్‌.ఎస్‌.రాజమౌళి. ఇప్పటివరకు జక్కన్న 12 సినిమాలు తీయగా… అన్నీ విజయాలే. 13వ సినిమా మహేష్‌బాబుదే.

* కామెడీ సినిమాలు, కాస్త యాక్షన్‌ కలగలిపి సినిమాలు తీయడంలో అనిల్‌ రావిపూడి దిట్ట అని చెప్పొచ్చు. ఆరు సినిమాలు ఆయన నుండి రాగా, అన్నీ విజయాలే. ఇప్పుడు ఆరో సినిమా ‘భగవంత్‌ కేసరి’.

* తమిళంలో ఇలాంటి అపజయమెరుగని దర్శకుల్లో హెచ్‌ వినోద్‌ ఒకరు. ఐదు సినిమాలు చేసిన వినోద్‌ అన్నింటితో విజయాలు అందుకున్నారు. ఇప్పుడు ఆరో సినిమాను కమల్‌ హాసన్‌తో చేస్తున్నారు.

* సౌత్‌లో ఇలాంటి మరో స్టార్‌ డైరక్టర్‌ లోకేశ్‌ కనగరాజ్‌. ఆయన కూడా ఐదు సినిమాలతో అదరగొట్టాడు. ఇప్పుడు ఆరో సినిమా విజయ్‌తో ‘లియో’గా చేస్తున్నాడు.

* కన్నడ నాట ఇలాంటి ఫీట్‌ సాధించిన దర్శకుడు ప్రశాంత్‌ నీల్‌. ‘ఉగ్రం’ సినిమాతో వచ్చిన ప్రశాంత్ నీల్‌ ఇప్పుడు ‘కేజీయఫ్‌’లో పాన్‌ ఇండియా డైరక్టర్‌ అయ్యారు. త్వరలో ‘సలార్‌’తో రాబోతున్నారు.

* శాండిల్‌ వుడ్‌లో ఇదే తరహాలో విజయం అందుకుంటున్న మరో దర్శకుడు సంతోష్‌ ఆనంద్‌ రామ్‌. మూడు సినిమాలు తీసి మూడింటితో విజయం అందించారు. అలాగే చేతన్‌ కుమార్‌ నాలుగు సినిమాల్లోనూ విజయం అందుకున్నారు.