Samantha: సమంతకు ఇష్టమైన నటుడు ఎవరో తెలుసా? ఇన్నాళ్లకు చెప్పింది!

హీరోయిన్లు సినిమాల్లోకి వచ్చిన కొత్తల్లో చెప్పే ఫేవరేట్‌లు.. స్టార్‌ హీరోయిన్‌గా మారాక చెప్పేవి ఒకేలా ఉంటాయా? ఏమో అప్పుడు, ఇప్పుడు అని రెండు ఫ్రేముల్లో వేస్తే కానీ ఆ విషయం చెప్పలేం. అలా సమంత గతంలో ఏం చెప్పిందో తెలియదు కానీ.. ఇప్పుడు మాత్రం తన ఫేవరేట్‌ హీరో ఎవరు అనేది చెప్పేసింది. పెద్దగా ఆశ్చర్యం ఏమీ లేకుండా మలయాళ సీనియర్‌ స్టార్‌ హీరో మమ్ముట్టినే ఆమె ఫేవరేట్‌. ఇటీవల మ‌మ్ముట్టితో ఫొటో దిగి ఫ్యాన్ గార్ల్ మూమెంట్‌ని ఎంజాయ్ చేసింది. ఆ ఫొటోల‌ను ఇన్‌స్టాగ్రామ్‌లో పోస్ట్ చేసి మురిసిపోయింది.

దీంతో ఆ ఫొటో ఇప్పుడు వైర‌ల్ అవుతోంది. ఇద్ద‌రు క‌లసి సినిమా ఏమైనా చేస్తున్నారా? అనే డౌట్స్‌ కూడా వచ్చాయి కొంతమందికి. దానికి కారణం ఆ ఫొటో ఏదో సినిమా షూటింగ్‌ స్పాట్‌లో తీసిన‌ట్లుగా క‌నిపిస్తోంది. అలాగే ఆమె ఫహాద్‌ ఫాజిల్‌తో దిగిన ఫొటోను కూడా పోస్ట్ చేసింది. దానికి నా మ‌రో ఫేవ‌రెట్ అని ఆ క్యాప్ష‌న్ ఇచ్చింది. దీంతో సమంత ఏదో ప్రాజెక్ట్‌ కోసమే ఈ ఇద్దరినీ కలిసింది అని అంటున్నారు. అయితే అది సినిమానా? లేక ఏదైనా ప్రకటననా అనేది తెలియడం లేదు.

స‌మంత (Samantha) టాలీవుడ్‌లో అడుగుపెట్టి 14 ఏళ్లు అయ్యింది. 2010లో ‘ఏ మాయ చేసావె’ సినిమాతో ఎంట్రీ ఇచ్చింది. గౌత‌మ్ వాసుదేవ్‌ మీన‌న్ ద‌ర్శ‌క‌త్వంలో వ‌చ్చిన ఆ సినిమా సూప‌ర్ హిట్. స‌మంత పాత్ర చిత్రణ, అందం, చీర‌క‌ట్టుకి అప్ప‌ట్లో కుర్ర‌కారు ఫ్యాన్స్ అయిపోయారు. ఆ సినిమాలో ఆ పేరు అయిన జెస్సీని తమ లవర్స్‌కి పెట్టి మురిసిపోయారు. మయోసైటిస్‌ రుగ్మత నుండి కోలుకున్న ఆమె ఇప్పుడు ఆరోగ్యంపైనే ఫోకస్ పెట్టింది.

ఈ క్రమంలో హెల్త్ పాడ్‌కాస్ట్‌ను ప్రారంభించింది. ఆరోగ్య అవగాహన, సలహాలు ఇవ్వడం కోసమే ఆ పాడ్‌కాస్ట్‌. ఇప్పటికే ఓ ఎపిసోడ్‌ను అందులో రిలీజ్‌ చేసింది కూడా. మయోసైటిస్‌ గురించి, ఇతర ఆరోగ్య సమస్యల గురించి అందులో నిపుణుల అభిప్రాయాలు, సూచనలు వినిపించే పనిలో ఉంది.

పవర్ స్టార్ నిజంగానే రూ.100 కోట్ల ఆస్తులు అమ్మారా.. ఏమైందంటే?

‘ఆపరేషన్ వాలెంటైన్’ సెన్సార్ రివ్యూ వచ్చేసింది.. రన్ టైమ్ ఎంతంటే?
ఒకప్పుడు సన్నగా ఉండి ఇప్పుడు గుర్తుపట్టలేనంతగా మారిపోయిన 11 హీరోయిన్స్.!