Dasara Movies: దసరా బాక్సాఫీస్ బరిలో పోటీ పడుతున్న రామ్, రవితేజ, విజయ్..!

ప్రస్తుతం తెలుగు ఇండస్ట్రీలో వరుస షూటింగులతో పండుగ వాతావరణం నెలకొంది.. సీనియర్, యంగ్ అండ్ మీడియం రేంజ్ హీరోలంతా వరుసగా సినిమాలతో సందడి చేస్తున్నారు.. చిరు, బాలయ్య, వెంకీ సెట్స్ మీద ఉండగా.. నాగ్ కొత్త సినిమాని పట్టాలెక్కించే పనుల్లో ఉన్నాడు.. ఇక తారక్, చరణ్, పవన్, మహేష్, బన్నీ, ప్రభాస్, రామ్, రవితేజ కూడా ఫుల్ బిజీనే.. డే అండ్ నైట్ తేడా లేకుండా ఫుల్ ఎనర్జీతో పని చేస్తున్నారు.. పనిలో పనిగా సినిమాలు సెట్స్ మీద ఉండగానే రిలీజ్ డేట్స్ కోసం ఖర్చీఫ్స్ వేసేస్తున్నారు మేకర్స్..

ఇంకో హైలెట్ ఏంటంటే.. టైటిల్ కూడా ఫిక్స్ కాకుండానే డేట్స్ కన్ఫామ్ చేసేస్తున్నారు.. ఇటీవల పవన్ కళ్యాణ్ – సాయి ధరమ్ తేజ్ మూవీ, SSMB 28, రామ్ – బోయపాటి శ్రీనుల సినిమాలకు అలానే చేశారు.. ఈ నేపథ్యంలో దసరాకి బాక్సాఫీస్ బరిలో భారీ పోటీ నెలకొంది.. ఇవి కాకుండా బాలయ్య, అనిల్ రావిపూడిల క్రేజీ కాంబోలో తెరకెక్కుతున్న చిత్రం NBK 108 (వర్కింగ్ టైటిల్), పవన్ కళ్యాణ్, క్రిష్ కాంబోలో రూపొందుతున్న‘హరి హర వీరమల్లు’ కూడా విజయదశమికే విడుదల కానున్నాయని తెలుస్తోంది..

ఇక దసరా (Dasara) విషయానికొస్తే.. రామ్ పోతినేని, రవితేజలతో పాటు దళపతి విజయ్ డబ్బింగ్ బొమ్మతో రాబోతున్నాడు.. రామ్ – బోయపాటి మూవీ అక్టోబర్ 20న రిలీజ్ అని ప్రకటించిన మరుసటి రోజే రవితేజ ‘టైగర్ నాగేశ్వర రావు’ కూడా అదే రోజు రాబోతుందని అనౌన్స్ చేశారు.. వీటికంటే ముందే విజయ్, లోకేష్ కనకరాజ్ దర్శకత్వంలో చేస్తున్న ‘లియో’ అక్టోబర్ 19 విడుదల అని చెప్పేశారు.. ఇప్పుడు దసరాకి తలపడుతున్న ఈ ముగ్గురు హీరోలు ఇంతకుముందు 2021 సంక్రాంతికి పోటీ పడ్డారు..

2021 జనవరి 9న ‘క్రాక్’, జనవరి 13న ‘మాస్టర్’, జనవరి 14 ‘రెడ్’ మూవీస్ రిలీజ్ అయ్యాయి.. రామ్ సినిమా యావరేజ్ టాక్‌తో సరిపెట్టుకుంటే.. రవితేజ కమ్ బ్యాక్ ఇచ్చాడు.. విజయ్ సూపర్ హిట్ కొట్టాడు.. మరి ఈ దసరా  సీజన్‌లో ఎవరు పై చేయి సాధిస్తారో చూడాలి..

హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!

తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?