తొలి సినిమాతోనే భారీ అవకాశాలు పట్టేస్తున్న హీరోయిన్స్

నటిగా ప్రతిభను నిరూపించుకోవడానికి మంచి రోల్స్ రావాలి. స్టార్స్ పక్కన నటించాలంటే కొన్ని సినిమాలు చేయాలి. ఇవన్నీ ఒకప్పటి మాట. ఈ తరం హీరోయిన్స్ సమయాన్ని వృధా చేసుకోవడం లేదు. ఒకే ఒక్క సినిమాతో సినీ పెద్దల దృష్టిని తమవైపు తిప్పుకుంటున్నారు. పెద్ద చిత్రాల్లో అవకాశాలను పట్టేస్తున్నారు. అలా ఈ మధ్య కాలంలో ఛాన్స్ అందుకున్న యువ నటీమణులపై ఫోకస్…

రీతూవర్మ హైదరాబాద్ అమ్మాయి రీతూ వర్మ బాద్షా, ఎవడే సుబ్రహ్మణ్యం తదితర సినిమాలో కనిపించినా తొలిసారి హీరోయిన్ గా పెళ్లి చూపులు సినిమాలో నటించింది. ఇందులో ఆమె పోషించిన చిత్ర రోల్ కి మంచి పేరు వచ్చింది. వెంటనే కేశవ సినిమాతో పాటు, ధ్రువ నక్షత్రంలో విక్రమ్ సరసన నటించే అవకాశం అందుకుంది.

అను ఇమ్యానుల్ మజ్ను సినిమాలో నాని సరసన ముద్దుగా నటించిన అను అందరినీ ఆకట్టుకుంది. వెంటనే మంచి ఆఫర్లను పట్టేసింది. కిట్టు ఉన్నాడు జాగ్రత్త సినిమాతో పాటు పవర్ స్టార్ పవన్ కళ్యాణ్ కి జోడీగా ఛాన్స్ అందుకుంది. త్రివిక్రమ్ దర్శకత్వంలో తెరకెక్కుతోన్న ఈ మూవీ రిలీజ్ అయితే టాలీవుడ్ టాప్ హీరోయిన్ల లిస్ట్ లో అను ఇమ్యానుల్ చేరిపోతుంది.

కీర్తి సురేష్తెలుగులో నేను శైలజ, నేను లోకల్ .. ఈ రెండు సినిమాలతో తానేమిటో కీర్తి సురేష్ నిరూపించుకుంది. మహానటి సావిత్రి బయోపిక్ లో నటించే గౌరవం దక్కించుకుంది. అలాగే పవన్ కళ్యాణ్ తో రొమాన్స్ చేసే ఛాన్స్ అందుకుంది.

ప్రగ్యా జైస్వాల్క్రిష్ దర్శకత్వంలో వచ్చిన కంచె సినిమాలో ప్రగ్యా జైస్వాల్ చాలా చక్కగా నటించి అందరి అభినందనలు అందుకుంది. గొప్ప దర్శకులైన కె.రాఘవేంద్రరావు, కృష్ణవంశీ సినిమాలలో హీరోయిన్ గా అవకాశం సొంతంచేసుకుంది.

పూజ హెగ్డే ఒక లైలా కోసం, ముకుంద చిత్రాల్లో యువకుల హృదయాలను కొల్లగొట్టిన పూజ హెగ్డే బాలీవుడ్ అవకాశం దక్కించుకుంది. హృతిక్ రోషన్ కి జోడీగా చేసింది. అది హిట్ కాకపోయినప్పటికీ దువ్వాడ జగన్నాథ్ మూవీలో అల్లు అర్జున్ తో రొమాన్స్ కి సిద్ధమైంది.

అనుపమ పరమేశ్వరన్ కేరళ కుట్టీ అయినప్పటికీ అనుపమ అచ్చమైన తెలుగు అమ్మాయిలా అ..ఆ, ప్రేమమ్ చిత్రాల్లో అలరించింది. శతమానం భవతి సినిమాలో లేడీ లీడ్ రోల్ పట్టేసి హ్యాట్రిక్ హిట్ తన ఖాతాలో వేసుకుంది.ఆ తర్వాత రామ్ చరణ్ తేజ్ మూవీలో నటించే ఛాన్స్ వచ్చినప్పటికీ వదులుకుంది. ఇప్పుడు ఎనర్జిటిక్ హీరో రామ్ సరసన నటిస్తోంది.

రాశీ ఖన్నా ఢిల్లీ బ్యూటీ రాశీ ఖన్నా తొలి సినిమా ఊహలు గుసగుసలాడే. ఊహించని హిట్. ఆమె కెరీర్ కూడా ఊహించని రీతిలో వేగం పుంజుకుంది. ఆమె నటించిన ఐదు చిత్రాలు వరుసగా రిలీజ్ కావడమే కాకుండా మరో ఐదు సెట్స్ పై ఉన్నాయి. వాటిలో ఎన్టీఆర్ జై లవకుశ కూడా ఉంది. ఇవి హిట్ అయితే మరో పది సినిమాలు ఆమె చేతిలో ఉంటాయి.

మెహ్రీన్ కృష్ణగాడి వీర ప్రేమగాధలో పంజాబీ భామ మెహ్రీన్ మహాలక్ష్మి ల అందరి మతులు పోగొట్టింది. అవకాశాలు వెల్లువెత్తినప్పటికీ తొందరపడకుండా ఆమె మంచి కథలను ఎంచుకొని మళ్ళీ రాబోతోంది. ఇప్పుడు మెహ్రీన్ తెలుగులో అల్లు శిరీష్, సందీప్ కిషన్, సాయి ధరమ్ తేజ్, రవి తేజ సినిమాలు చేస్తోంది. అంతేకాదు ఫిల్లారి అనే మూవీతో బాలీవుడ్ లో ఎంట్రీ ఇవ్వబోతోంది.

నివేత థామస్ గత ఏడాది నివేత థామస్ జెంటిల్ మ్యాన్ సినిమాతో విజయాన్ని సొంతంచేసుకుంది. అలాగే మరోసారి నాని పక్కన నటించే ఛాన్స్ దక్కించుకుంది. వారిద్దరూ కలిసి నటించిన నిన్ను కోరి మూవీ త్వరలో రిలీజ్ కాబోతోంది. అలాగే టాలీవుడ్ క్రేజీ ప్రాజక్ట్ జై లవ కుశలోను నటిస్తోంది.