తన కామెంట్స్ పై క్లారిటీ ఇచ్చిన హిమవర్ష

రొమాన్స్ సినిమా ద్వారా తెలుగు తెరకు పరిచయమైన మానస హిమవర్షి, ‘కాటమరాయుడు’ సినిమాలో శివబాలాజీకి జంటగా కనిపించింది. అప్పుడు వార్తల్లో కెక్కని ఈ ముద్దుగుమ్మ చిన్న కామెంట్ ద్వారా వార్తల్లో వ్యక్తిగా మారింది. నందమూరి అభిమానుల ఆగ్రహానికి గురైంది. అసలు విషయంలోకి వెళితే .. ఆదివారం బిగ్ బాస్ తెలుగు తొలి సీజన్ స్టార్ మా ఛానల్లో మొదలయింది. ఈ రియాలిటీ షో ని ఎన్టీఆర్ జోష్ తో ప్రారంభించారు. అయితే ‘బిగ్‌బాస్’ షో మొదటి ఎపిసోడ్ పూర్తయిన తర్వాత ‘ఈ షోలో నేను భాగం కాకపోయినందుకు చాలా సంతోషంగా ఉంది’ అని సోషల్‌మీడియాలో హిమవర్ష పోస్ట్ చేసింది.

ఆ పోస్ట్ చూసిన ఎన్టీఆర్ అభిమానులు ఆమెపై విరుచుకు పడ్డారు. షోకు సెలెక్ట్ కాలేదని కోపంలో ఎన్టీఆర్‌ను  విమర్శించడం సరికాదన్నారు. దీంతో హిమవర్షి ఈ విషయంపై స్పందించారు. “టాలీవుడ్‌లో నా అభిమాన నటుడు ఎన్టీఆర్. ఈ విషయాన్నీ చాలా ఇంటర్వ్యూలో చెప్పాను. నేను కేవలం బిగ్‌బాస్ షో గురించే కామెంట్ చేశాను. ఎన్టీఆర్‌ను విమర్శించలేదు” అని స్పష్టం చేశారు. దీంతో ఎన్టీఆర్ అభిమానులు శాంతించారు.

Also, do SUBSCRIBE to our YouTube channel to get latest Tollywood updates.