‘ఏమి చేయమందువే…’ యూట్యూబ్‌లో ఈ పాట థంబ్‌ నెయిల్‌ కనిపిస్తే క్లిక్‌ చేసి పాటను చూసి, విని ఆస్వాదించని వారుండరు. అంతగా ఆ పాట హిట్‌ కొట్టింది. ఈ రోజుల్లో ఆ పాట వచ్చి ఉంటే… రీల్స్‌, షార్ట్స్‌ అంటూ ఉప్పెనలా వచ్చేసేవి. ‘ప్రియురాలు పిలిచింది’ సినిమాలోని పాట అది. ఇప్పుడు ఆ సినిమా గురించి ఎందుకు అంటారా? ఉంది.. విషయం ఉంది! అదే ఆ సినిమాలో నటించిన అజిత్‌, టబు మరోసారి స్క్రీన్ షేర్‌ చేసుకోబోతున్నారు.
అది కూడా 22 ఏళ్ల తర్వాత. అదీ మేటర్‌. ‘ప్రియురాలు పిలిచింది’ సినిమా 2000 సంవత్సరంలో వచ్చిన విషయం తెలిసిందే. ఆ సినిమాలో పాట, అందులోనూ ఇద్దరి కెమిస్ట్రీ, సినిమాల్లో ఇద్దరి మధ్య ప్రేమ సన్నివేశాలు అపురూపమనే చెప్పాలి. అజిత్‌ లవర్‌బాయ్‌గా వెలుగొందుతున్న రోజులవి. వరుసగా ప్రేమ సినిమాలు చేసి… ఆ ఇమేజ్‌ను డబుల్‌, ట్రిపుల్‌ చేసుకుంటూ వచ్చాడు. మరోవైపు టబు సౌత్‌, నార్త్‌ సినిమాల్లో విరివిగా నటిస్తోంది.. అలాంటి సమయంలోనే ఈ సినిమా వచ్చింది.
అయితే ఆ తర్వాత మళ్లీ ఈ కాంబో వైపు ఎవరూ దృష్టి పెట్టలేదు. దీంతో వన్‌ టైమ్‌ వండర్గానే ఈ జోడీ మిగిలిపోతుంది అనుకున్నారు. అయితే ఆ కాంబోను మళ్లీ చూడాలి అనుకుంటున్న వారి కోసం హెచ్‌.వినోథ్‌ ప్లాన్‌ చేస్తున్నాడట. అజిత్‌తో వినోథ్‌ ప్రస్తుతం ‘వలిమై’ సినిమా చేస్తున్న విషయం తెలిసిందే. కరోనా పరిస్థితుల నేపథ్యంలో ఈ సినిమా ఆలస్యమవుతూ వస్తోంది. అయితే ఈ సినిమాలో వర్క్‌ ఎక్స్‌పీరియన్స్‌ నచ్చి అజిత్‌… వినోథ్‌కు మరో ఛాన్స్ ఇచ్చారట.
ఈ సినిమా ప్రీ ప్రొడక్షన్‌ పనులు కూడా మొదలయ్యాయని సమాచారం. అందులో భాగంగా కాస్ట్‌ అండ్‌ క్రూను ఎంపిక చేసే పనిలో పడ్డారు. అప్పుడే టబు పేరు చర్చకు వచ్చిందట. కొత్త సినిమాలో అజిత్‌ మధ్య వయస్కుడిగా కనిపిస్తాడట. ఆ పాత్ర కోసం నాయిక ఎవరు అనుకుంటున్నప్పుడు… టబు అయితే బాగుంటుందని సూచించారట. అన్నీ అనుకున్నట్లు సాగితే 22 ఏళ్ల తర్వాత ‘ప్రియురాలు పిలిచింది’ కాంబోను మళ్లీ మనం వెండితెరపై చూడొచ్చు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
