వెబ్‌ బిరియానీలో… నాన్‌ వెజ్‌ ముక్క కనిపిస్తే ఎలా ఉంటుంది? ఏదో చిన్న ఇబ్బంది కలుగుతుంది. కార్తిక మాసంలో నాన్‌వెజ్ మాటలు ఎందుకు అంటారా. అయితే సేమియా పాయసంలో ఆవకాయ ముక్క తగిలితే… ఇది కూడా కష్టమే. అలా ఓ ఫ్లేవర్‌లో సాగిపోతున్న సినిమాలో అనూహ్యంగా వేరే కాన్సెప్ట్‌ వస్తే అంతే ఇబ్బందిగా ఉంటుంది. ఇప్పుడు ‘ఆర్‌ఆర్‌ఆర్‌’ కొత్త పాట చూసి నెటిజన్లు ఇదే మాట అంటున్నారు. ‘నాటు నాటు’ అంటూ ఈ రోజు సాయంత్రం నాలుగు గంటలకు ‘ఆర్‌ఆర్‌ఆర్‌’ నుండి ఓ పాట విడుదల చేయబోతున్నారు.
ఇప్పటికే వచ్చిన టీజర్‌ వీడియో అదరగొడుతోంది. ఆ పాటలో రామ్‌చరణ్‌, ఎన్టీఆర్‌ లుక్‌, డ్యాన్స్‌ స్టెప్పులు, గ్రేస్‌, స్వాగ్‌… ఇలా అన్నీ అద్భుతంగా ఉన్నాయి. కానీ పీరియాడికల్‌ డ్రామాగా రూపొందుతున్న ఈ సినిమాలో ఈ పాట ఎలా సెట్ అవుతుంది అనేదే ఇక్కడ ప్రశ్న. ఈ పాట అనౌన్స్‌మెంట్‌ తర్వాత… ఎప్పుడు సినిమా మొదలైన తొలి రోజుల్లో వచ్చిన పుకారు ఇప్పుడు నిజమయ్యేలా కనిపిస్తోంది. జక్కన్న రెండు కాలాలను, రెండు జన్మలను, తరాలను కలిపేలా సినిమాలు రూపొందిస్తుంటారు.
ఇప్పుడు ‘ఆర్‌ఆర్‌ఆర్‌’ను కూడా అలా పునర్జన్మల నేపథ్యంలో తెరకెక్కించారా? ఈ మాట చాలా రోజుల క్రితమే సోషల్‌ మీడియాలో వినిపించింది. ఇప్పుడు వస్తున్న పాట ఆ మాటలకు జస్టిఫై చేసేలా ఉంది. చూడాలి. వచ్చే సంక్రాంతికి ఏ విషయం తెలిసిపోతుంది.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
