రెండున్నరేళ్ల క్రితం కన్నడలో తెరకెక్కి పాన్ ఇండియా మూవీ గా దేశవ్యాప్తంగా పలు భాషల్లో రిలీజ్ అయిన సినిమా కెజిఎఫ్ చాప్టర్ 1. ప్రశాంత్ నీల్ దర్శకత్వంలో యాష్, శ్రీనిధి శెట్టి హీరో, హీరోయిన్స్ గా నటించిన ఈ సినిమాని హోంబలే ఫిలిమ్స్ వారు నిర్మించగా రవి బస్రూర్ మ్యూజిక్ అందించారు. ఇక రిలీజ్ అయిన అన్ని భాషల్లో కూడా భారీ సక్సెస్ కొట్టి నిర్మాతలకు, బయ్యర్లకు కాసులు కురిపించిన ఈ సినిమాకి ప్రస్తుతం కొనసాగింపుగా కెజిఎఫ్ చాప్టర్ 2 తెరక్కుతున్న విషయం తెల్సిందే.
ఇటీవల షూటింగ్ మొత్తం పూర్తి చేసుకున్న ఈ సినిమా నుండి కొన్నాళ్లక్రితం విడుదలైన ఫస్ట్ లుక్ టీజర్ యూట్యూబ్ లో సంచలనం సృష్టించి 200 మిలియన్స్ కి పైగా వ్యూస్ దక్కించుకుంది. ప్రముఖ నటులు రావు రమేష్, ప్రకాష్ రాజ్, ఈశ్వరి రావు కీలక పాత్రలు చేస్తున్న ఈ సినిమాని ఫస్ట్ చాప్టర్ కంటే కూడా మరింత భారీ వ్యయంతో, హై టెక్నీకల్ వాల్యూస్ తో నిర్మిస్తున్నారు మేకర్స్. ముఖ్యంగా ఈ మూవీలో యాక్షన్ సీన్స్ కి థియేటర్స్ లో ఆడియన్స్ కి గూస్ బంప్స్ ఖాయం అని టాక్. ఇక ఈ సినిమాకి సంబంధించి సౌత్ భాషల శాటిలైట్ హక్కులని ప్రముఖ సంస్థ జీ వారు దక్కించుకున్నట్లు కెజిఎఫ్ నిర్మాతలు కొద్దిసేపటి క్రితం అఫీషియల్ గా ప్రకటించారు.
బాలీవుడ్ నటుడు సంజయ్ దత్, అధీర రోల్ చేస్తున్న ఈ సినిమాలో ప్రధాని రమిక సేన్ పాత్రలో బాలీవుడ్ సీనియర్ నటి రవీనా టాండన్ కనిపించనున్నారు. ప్రస్తుతం ఈ మూవీకి సంబంధించి పోస్ట్ ప్రొడక్షన్, విజువల్ ఎఫెక్ట్స్ వర్క్ జరుగుతుండగా దీనిని డిసెంబర్ లో ప్రేక్షకుల ముందుకు తీసుకురానున్నట్లు తెలుస్తోంది. మరి ఫస్ట్ చాప్టర్ సూపర్ సక్సెస్ తో అందరిలో ఎంతో భారీ క్రేజ్ దక్కించుకున్న కెజిఎఫ్ చాప్టర్ 2 మూవీ రేపు రిలీజ్ తరువాత ఎంతమేర సక్సెస్ అవుతుందో తెలియాలి అంటే మరొక మూడు నెలలు వెయిట్ చేయాల్సిందే.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home