సినిమా సినిమాకి సక్సెస్ రేటుతో పాటు తన రేంజ్ ని పెంచుకుని స్టార్ హీరోయిన్ దిశగా అడుగులు వేస్తోంది రాశి ఖన్నా. ఈ సంవత్సరంలో ఇప్పటికే విడుదలైన సుప్రీమ్, హైపర్ సినిమాల్లో బెల్లం శ్రీదేవి, భానుమతి పాత్రల సాయంతో ప్రేక్షకులకు మరింత చేరువైన రాశి గోపీచంద్ సరసన నటించిన ఆక్సిజన్ సినిమాతో మరోమారు తెరపైకి రానుంది. ఇలా వరుస సినిమాలతో సందడి చేస్తోన్న ఈ ఢిల్లీ సోయగం మున్ముందు తన కెరీర్ మూడు సినిమాలు ఆరు ఐటెం సాంగ్స్ తో ఉండాలని కోరుకుంటోంది.
రాశి ఐటమ్ సాంగ్స్ చేయటమేంటి అని ఆశ్చర్యంగా ఉంది కదూ..! నిజానికి రాశికి ఈ తరహా పాటలు చేయడం ఇష్టం లేదట. అయితే వాటిలోని మజా ఏంటో తెలియాలంటే చేయాల్సిందే అంటోంది. అవకాశం వస్తే చేస్తానంటూ దర్శకులకు హింట్ ఇచ్చింది. వీటితోపాటు దర్శకులు శక్తిమంతమైన కథలు తీసుకొస్తే నాయిక ప్రాధాన్య చిత్రాలకు సై అంటోంది ఈ అమ్మడు. అయితే డాన్స్ తో, అందంతో దుమ్ము దులిపేస్తూ తమన్నా ఐటమ్ సాంగ్స్ లీగ్ లో ముందున్న మాట తెలిసిందే. ఇప్పుడు రాశి తనతో పోటీ పడాలంటే డాన్సింగ్ స్కిల్స్ పెంచుకోక తప్పదు. ఇదిలా ఉంటే తమిళంలో రెండు సినిమాల్లో నటిస్తోన్న ఈ అందాల భామ రవితేజతో రెండోసారి రొమాన్స్ చేసేందుకు రెడీ అయ్యింది.
