Indian2: వామ్మో.. ఇండియన్2 ఓటీటీ హక్కులు ఆ రేంజ్ లో అమ్ముడయ్యాయా?

టాలీవుడ్, కోలీవుడ్ ఇండస్ట్రీలలో కమల్ హాసన్ కు ఊహించని స్థాయిలో క్రేజ్ ఉండగా గత కొన్నేళ్లుగా సరైన సక్సెస్ లేని కమల్ విక్రమ్ సినిమాతో సక్సెస్ ట్రాక్ లోకి వచ్చారు. ఈ సినిమాకు రికార్డ్ స్థాయిలో కలెక్షన్లు వచ్చాయనే సంగతి తెలిసిందే. విక్రమ్ సక్సెస్ తో కమల్ హాసన్ మార్కెట్ సైతం ఊహించని స్థాయిలో పెరిగింది. ప్రస్తుతం కమల్ ఇండియన్2 సినిమాతో పాటు ప్రాజెక్ట్ కే సినిమాలో నటిస్తున్నారు. ఇండియన్2 సినిమాకు శంకర్ డైరెక్టర్ కాగా ప్రాజెక్ట్ కే సినిమాకు నాగ్ అశ్విన్ డైరెక్టర్ గా వ్యవహరించారు.

ఇండియన్2 (Indian2) సినిమా 400 కోట్ల రూపాయల కంటే ఎక్కువ మొత్తం బడ్జెట్ తో తెరకెక్కుతుండగా ఈ సినిమా డిజిటల్ హక్కులను నెట్ ఫ్లిక్స్ కొనుగోలు చేసిందని 200 కోట్ల రూపాయల కంటే ఎక్కువ మొత్తానికి ఈ సినిమా డిజిటల్ హక్కులు అమ్ముడయ్యాయని ఇండస్ట్రీ వర్గాల్లో వినిపిస్తుండటం గమనార్హం. ఈ మధ్య కాలంలో పెద్ద సినిమాల డిజిటల్ హక్కుల విషయంలో నెట్ ఫ్లిక్స్ దూకుడు పెంచిందనే సంగతి తెలిసిందే. నెట్ ఫ్లిక్స్ సబ్ స్క్రైబర్ల సంఖ్య అంతకంతకూ పెరుగుతుండటం గమనార్హం.

ఇండియన్2 సినిమా వచ్చే ఏడాది థియేటర్లలో రిలీజ్ కానుందని సమాచారం అందుతోంది. ఇండియన్2 సినిమాలో అన్ని వర్గాల ప్రేక్షకులకు నచ్చే అంశాలు ఎక్కువగానే ఉంటాయని తెలుస్తోంది. ఇండియన్2 సినిమాలో కమల్ రెండు రోల్స్ లో కనిపించనున్నారు. ఈ సినిమా తెలుగు రాష్ట్రాల హక్కులకు సైతం భారీ స్థాయిలో డిమాండ్ నెలకొందని తెలుస్తోంది.

రాబోయే రోజుల్లో కమల్ కు భారీ విజయాలు దక్కాలని ఫ్యాన్స్ భావిస్తున్నారు. ప్రాజెక్ట్ కే సినిమాలో కమల్ నెగిటివ్ షేడ్స్ ఉన్న పాత్రలో కమల్ కనిపించనున్నారు. కమల్ పాత్ర క్రూరంగా ఉండనుందని సమాచారం అందుతోంది. కమల్ పారితోషికం కూడా భారీ రేంజ్ లో ఉందని ఇండస్ట్రీ వర్గాల్లో వినిపిస్తోంది.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!