Balayya Babu: నరసింహనాయుడు డైలాగ్ వెనుక ఇంత కథ ఉందా?

June 27, 2022 / 12:34 PM ISTByFilmy Focus

Join Us

Balayya Babu: నరసింహనాయుడు డైలాగ్ వెనుక ఇంత కథ ఉందా?

టాలీవుడ్ ఇండస్ట్రీలో దాదాపుగా 300 సినిమాలలో నటించి ఎన్నో రికార్డులను సృష్టించి మాస్ హీరోగా తిరుగులేని గుర్తింపును సొంతం చేసుకున్న హీరోలలో సీనియర్ ఎన్టీఆర్ ఒకరు. సీనియర్ ఎన్టీఆర్ క్రియేట్ చేసిన పలు రికార్డులు రాబోయే రోజుల్లో కూడా దాదాపుగా బ్రేక్ అయ్యే అవకాశాలు అయితే లేవని తెలుస్తోంది. సీనియర్ ఎన్టీఆర్ తెలుగులో దాదాపుగా అన్ని రకాల పాత్రల్లో నటించి మెప్పించారు. బాలకృష్ణ హీరోగా బి.గోపాల్ డైరెక్షన్ లో తెరకెక్కి బ్లాక్ బస్టర్ హిట్ గా నిలిచిన సినిమాలలో నరసింహ నాయుడు సినిమా కూడా ఒకటి.

ఈ సినిమాలో డైలాగ్స్ కూడా అద్భుతంగా ఉంటాయి. “కత్తులతో కాదురా కంటిచూపుతో చంపేస్తా” అనే డైలాగ్ ఈ సినిమా సక్సెస్ లో కీలక పాత్ర పోషించింది. సీనియర్ ఎన్టీఆర్ ఒక సందర్భంలో “మేం గట్టిగా కన్నెర్ర చేస్తే గుండె ఆగి చస్తారు” అని చెప్పగా ఆ మాటల స్పూర్తితో పరుచూరి బ్రదర్స్ ఈ డైలాగ్ ను రాశారు. అలా సీనియర్ ఎన్టీఆర్ డైలాగ్ ను బాలయ్య చెప్పడం నరసింహ నాయుడు సినిమా సంచలన విజయం సాధించడం జరిగింది.

బాలకృష్ణ కెరీర్ లో మరపురాని చిత్రంగా నరసింహ నాయుడు సినిమా నిలిచింది. 2001 సంవత్సరం జనవరి 11వ తేదీన విడుదలైన ఈ సినిమా రికార్డు స్థాయిలో కలెక్షన్లను సాధించడంతో పాటు అభిమానుల అంచనాలను మించి విజయాన్ని సొంతం చేసుకుంది. ఈ సినిమాకు పోటీగా ఇతర స్టార్ హీరోల సినిమాలు విడుదలైనా ఆ సినిమాలు కమర్షియల్ గా సక్సెస్ ను సొంతం చేసుకోలేదు.

కథ, కథనం అద్భుతంగా ఉండటంతో పాటు బి.గోపాల్ మాస్ ప్రేక్షకులకు నచ్చేలా నరసింహ నాయుడు సినిమాను తెరకెక్కించడంతో ఈ సినిమా కమర్షియల్ గా కళ్లు చెదిరే స్థాయిలో కలెక్షన్లను సొంతం చేసుకుంది. ఈ సినిమా ఇప్పటికీ టీవీలలో మంచి రేటింగ్స్ ను సొంతం చేసుకుంటోంది.

విరాటపర్వం సినిమా రివ్యూ & రేటింగ్!