అల్లు అర్జున్‌ నెక్స్ట్‌ సినిమా ఏంటి? ఈ విషయంలో వారానికో సినిమా పేరు బయటకు వస్తోంది. ఈ వారం వచ్చిన సినిమా పేరుకు ముందు కొత్త వారంలో మరో సినిమా వచ్చి చేరుతోంది. దీంతో బన్నీ సినిమాల లైనప్‌ ఏంటి? అంటూ ప్రతి వారం అభిమానులు రీలోడ్‌ చేస్తున్నారు. దీనికి కారణం బన్నీ సన్నిహిత వర్గాల నుండి వస్తున్న పుకార్లే కారణం. అదేంటే… బన్నీ ‘పుష్ప 2’ సినిమా చేయబోయే సినిమా ఇంకా ఏదో ఓ క్లారిటీలోకి రాలేదు అని.
నిజానికి ‘పుష్ప: ది రూల్‌’ సినిమా తర్వాత (Allu Arjun) బన్నీ ఏ సినిమా చేస్తాడు అనే విషయంలో ఎక్కడా క్లారిటీ రాలేదు. ఎప్పుడో చెప్పిన లెక్క ప్రకారం అయితే వేణు శ్రీరామ్‌తో ‘ఐకాన్‌’ సినిమా చేయాలి. కానీ ఆ సినిమా ఇక లేనట్లే. ఈ విషయంలో దాదాపు క్లారిటీ వచ్చిన తర్వాత త్రివిక్రమ్‌ సినిమా అనౌన్స్‌ చేశారు. ‘పుష్ప 2’ తర్వాత ఈ సినిమానే మొదలవుతుంది అని అన్నారు. కానీ ఇప్పుడు మళ్లీ అట్లీ సినిమా వచ్చి చేరింది. ఇటీవల బన్నీకి అట్లీ ఓ లైన్‌ చెప్పారట.
లైన్‌ నచ్చడంతో పూర్తి స్థాయి కథను సిద్ధం చేసే పనిలో ఉన్నారట అట్లీ. ‘పుష్ప 2’ తర్వాత బన్నీ ఈ సినిమానే చేస్తారు అంటున్నారు. పాన్‌ ఇండియా రేంజిలో ఈ సినిమా తెరకెక్కిస్తారట. అదేంటి… త్రివిక్రమ్‌ సినిమా ఉంటుంది అన్నారు కదా అనుకుంటున్నారా. ప్రస్తుతం గురూజీ టీమ్‌ కథను ఫైనల్‌ చేసే పనిలో ఉందట. ఈ సినిమాను పురాణాల స్ఫూర్తితో పాన్‌ ఇండియా లెవల్‌లో ఉంటుంది అట. కాబట్టి ప్రీ ప్రొడక్షన్‌ భారీ స్థాయిలో ఎక్కువ రోజులు ఉంటుందట.
అందుకే ఆ సినిమా స్టార్ట్‌ అయ్యేలోపు బన్నీ మరో సినిమా చేయాలని అనుకుంటున్నారట. దీని కోసం లైన్‌లో అట్లీ, మురుగదాస్‌, బోయపాటి శ్రీను లాంటి పేర్లు వినిపిస్తున్నాయి. మరి వీరిలో ఎవరు ఓకే అవుతారో చూడాలి. అన్నట్లు ఈ రెండు సినిమాల తర్వాతే సందీప్‌ రెడ్డి వంగా సినిమా ఉంటుంది. అది 2027 తర్వాతే అని చెబుతున్నారు.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
