Anil Ravipudi: ఏంటి అనిల్‌ రావిపూడి ‘రామాయణం’ తీస్తున్నారా? నిజమేనా?

April 8, 2026 / 03:16 PM ISTByFilmy Focus Desk

Join Us

ఇప్పుడు ఇండియన్‌ సినిమా అంతా మాట్లాడుకుంటున్న సినిమా ‘రామాయణ’. బాలీవుడ్‌లో రూ.4000 కోట్ల భారీ బడ్జెట్‌తో రూపొందుతున్న సినిమా అది. అయితే విజువల్‌ ఎఫెక్ట్స్‌, కొన్ని సన్నివేశాల రూపకల్పన వల్ల కొన్ని విమర్శలు కూడా ఎదుర్కుంటోంది ఆ సినిమా. అయితే ఇప్పుడు టాపిక్‌ ఆ ‘రామాయణ’ కాదు.. ఇది వేరే రామయణ. తెలుగులో త్వరలో ఓ ‘రామాయణ’ పట్టాలెక్కబోతోంది అని అంటున్నారు. అంతేకాదు ఆ సినిమాను ప్రముఖ మాస్‌, కమర్షియల్‌ దర్శకుడు అనిల్ రావిపూడి తెరకెక్కిస్తారు అని వార్తలొస్తున్నాయి.

Anil Ravipudi

వరస బ్లాక్ బస్టర్‌ సినిమాలు ఇచ్చి టాలీవుడ్‌లో 100 శాతం స్ట్రయిక్‌ రేట్‌తో దూసుకుపోతున్నారు అనిల్‌ రావిపూడి. ప్రస్తుతం ఆయన వెంకటేష్ – కళ్యాణ్ రామ్ సినిమా ప్రీ ప్రొడక్షన్‌ పనులు చేస్తున్నారు. ఈ సినిమా తర్వాత అనిల్‌ చేయబోయే ప్రాజెక్ట్‌ గురించి ఇప్పుడు ఓ ఆసక్తికర విషయం బయటకు వచ్చింది. అదే ఒక యానిమేషన్ మూవీ. ‘రామాయణం’ నుండి ఓ అంశాన్ని తీసుకొని యానిమేషన్‌ రూపంలో సినిమాగా తీర్చిదిద్దనున్నారని సమాచారం. త్వరలోనే అధికారిక సమాచారం ఇస్తారట.

చాలా ఏళ్ల క్రితం సినిమా నిర్మాణంలోకి వచ్చి ఇప్పుడు వరుస సినిమాలు విడుదలకు సిద్ధమవుతున్నా ఇబ్బందులు పడుతున్న నిర్మాణ సంస్థ ఈ ప్రాజెక్ట్‌ను హ్యాండిల్‌ చేయనుందని తొలుత వార్తలొచ్చాయి. అయితే ఇప్పుడు ఆ బ్యానర్‌ వెనక్కి తగ్గిందని.. కొత్త నిర్మాణ సంస్థ కోసం ప్రయత్నాలు సాగుతున్నాయని తెలుస్తోంది. ఈ నెలలోనే అనౌన్స్‌మెంట్‌ ఉంటుందని చెబుతున్నారు. అయితే ఇది సినిమానా లేక వెబ్‌సిరీసా అనేది తెలియాల్సి ఉంది.

ఇక్కడ మరో విషయం ఏంటంటే.. ఇప్పటివరకు కమర్షియల్‌, వినోదాత్మక సినిమాలు రూపొందించిన అనుభవం ఉన్న అనిల్‌ రావిపూడి ‘రామాయణం’ లాంటి కథను తీర్చిదిద్దగలరా అనేది ఓ ప్రశ్న. ప్రాజెక్ట్‌ అంతా ఓకే అనుకుని, ముందుకెళ్తే అప్పుడు ఈ ప్రాజెక్ట్‌ గురించి పూర్త సమాచారం అనిల్‌ రావిపూడి ద్వారా డిఫరెంట్‌గా బయటకు వచ్చే అవకాశం ఉంది.