పవన్‌ కల్యాణ్‌ స్టార్ హీరో కాకముందు ఎంత వేగంగా సినిమాలు చేసేవాడో తెలియదు కానీ.. స్టార్ అయ్యాక కాస్త స్లోగానే సినిమాలు చేసేవాడు. ఈ మాటల్లో ఎలాంటి సందేహం లేదు. సినిమాకు, సినిమాకు మధ్య గ్యాప్‌ కూడా ఎక్కువగానే ఉండేది. అయితే ఇటీవల కాలంలో పవన్‌ స్పీడ్‌ చాలా పెరిగింది. సినిమాల ఎంపికలోను, షూటింగ్‌లోనూ, రిలీజ్‌లోనూ… స్పీడ్‌ పెంచారు. ఈ స్పీడ్‌లో ఇప్పుడు ఐదు నెలల్లో రెండు సినిమాలు వస్తాయి అని అంటున్నారు.
అన్నీ అనుకున్నట్లుగా జరిగితే 30 రోజుల వ్యవధిలో రెండు సినిమాలు వస్తాయి అంటున్నారు. ఓవైపు పాలిటిక్స్‌, మరోవైపు సినిమాలు అంటూ గత కొన్నేళ్లుగా ముఖ్యంగా గత కొన్ని నెలలుగా పవన్‌ రెండు పడవల ప్రయాణం చేస్తున్నారు. ఓవైపు సినిమాల షూటింగ్‌లు, మరోవైపు వారాహి యాత్ర అంటూ బిజీగా ఉన్నారు. త్వరలో మూడో విడత వారాహి యాత్ర కూడా స్టార్ట్‌ చేస్తున్నారు. మరో వారంలో మూడో విడత యాత్ర మొదలవుతుంది.
సరిగ్గా ఈ సమయంలో రెండు సినిమాల ముచ్చట్లు బయటకు వచ్చాయి. దీంతో నిజమా? అసలు సాధ్యమా అని అడుగుతున్నారు. టాలీవుడ్‌ లేటెస్ట్‌ పుకార్ల ప్రకారం అయితే… రాబోయే ఐదు నెలల్లో పవన్‌ నుండి రెండు సినిమాలు వస్తాయి అంటున్నారు. ప్రస్తుతం 50 శాతానికిపైగా షూటింగ్‌ జరుపుకున్న సుజీత్‌ ‘ఓజీ’ని వీలైనంత త్వరగా పూర్తి చేసి ఈ ఏడాది ఆఖరులో రిలీజ్ చేయాలని అనుకుంటున్నారు. ఈ మేరకు ఇప్పటికే టీమ్‌కు పూర్తి స్థాయిలో ఆలోచనలు చెప్పేశారట.
దానికి తగ్గట్టుగా సుజీత్‌ షూటింగ్‌ను ముందుకు సాగిస్తున్నారట. మరోవైపు ‘ఉస్తాద్‌ భగత్‌ సింగ్‌’ టీమ్‌కు కూడా లేటెస్ట్‌గా సూచనలు అందాయి అంటున్నారు. వాటి ప్రకారం చూస్తే… ఈ సినిమాను సంక్రాంతిని టార్గెట్‌ చేసుకుని సిద్ధం చేయాలని చెప్పారట. ఈ మేరకు ఈ నెల ఆఖరి వారంలో సినిమా షూటింగ్‌ ప్రారంభిస్తారని చెబుతున్నారు. అయితే నాలుగు నెలల్లో సినిమాను దర్శకుడు హరీశ్‌ శంకర్‌ పూర్తి చేస్తారా? వీలవుతుందా? అనే చర్చ నడుస్తోంది.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
Home