Puri Jagannadh: ఆ గుర్తింపును పూరీ సంపాదించుకుంటారా..?

May 24, 2021 / 12:10 PM ISTByFilmy Focus

Join Us

Puri Jagannadh: ఆ గుర్తింపును పూరీ సంపాదించుకుంటారా..?

దాదాపు రెండు దశాబ్దాలుగా టాలీవుడ్ ఇండస్ట్రీలో స్టార్ డైరెక్టర్ గా కొనసాగుతున్న పూరీ జగన్నాథ్ ఈ మధ్య కాలంలో పాన్ ఇండియా కథలపై దృష్టి పెట్టారు. ఇస్మార్ట్ శంకర్ సినిమాతో సక్సెస్ సాధించిన పూరీ జగన్నాథ్ ప్రస్తుతం విజయ్ దేవరకొండతో లైగర్ సినిమాను తెరకెక్కిస్తున్నారు. మొదట ఈ సినిమాకు ఫైటర్ టైటిల్ వినిపించగా వేర్వేరు కారణాల వల్ల టైటిల్ లైగర్ గా మారింది. అయితే ఈ సినిమా తరువాత పూరీ జగన్నాథ్ యశ్ సినిమాకు దర్శకత్వం వహించనున్నారని తెలుస్తోంది.

కేజీఎఫ్ సినిమాతో పాన్ ఇండియా హీరోగా ఇమేజ్ ను సంపాదించుకున్న యశ్ తో పూరీ జగన్నాథ్ పాన్ ఇండియా సినిమాను ప్లాన్ చేస్తున్నారని సమాచారం. కేజీఎఫ్ మూవీతో యశ్ కలెక్షన్లపరంగా కొత్త రికార్డులను క్రియేట్ చేయడంతో కేజీఎఫ్2 సినిమాకు అంచనాలను మించి బిజినెస్ జరుగుతోంది. పూరీ, యశ్ కాంబినేషన్ లో తెరకెక్కే సినిమా పొలిటికల్ బ్యాక్ డ్రాప్ లో తెరకెక్కనుందని సమాచారం అందుతోంది. పూరీ జగన్నాథ్ ఇప్పటికే యశ్ కు కథ వినిపించారని ఆ కథ యశ్ కు ఎంతగానో నచ్చిందని తెలుస్తోంది.

కెరీర్ తొలినాళ్లలో రెండు కన్నడ సినిమాలకు డైరెక్షన్ చేసిన పూరీ జగన్నాథ్ కన్నడ హీరోతో సినిమాను తెరకెక్కించనుండటం గమనార్హం. త్వరలోనే ఈ సినిమాకు సంబంధించిన అధికారిక ప్రకటన వెలువడుతుందని తెలుస్తోంది. పాన్ ఇండియా డైరెక్టర్ గా గుర్తింపును సంపాదించుకోవాలని ఆశ పడుతున్న పూరీ ఆ గుర్తింపును సంపాదించుకుంటారో లేదో చూడాల్సి ఉంది.