పవన్ కల్యాణ్ (Pawan Kalyan) ఫ్యాన్స్‌ – అనసూయ (Anasuya) .. ఈ చర్చ ఇప్పటిది కాదు. ఎప్పుడో ‘అత్తారింటికి దారేది’ (Atharintiki Daaredi) సినిమా అప్పుడు మొదలైంది. ఆ సినిమాలో ఓ స్పెషల్‌ సాంగ్‌ చేయడానికి అనసూయ నో చెప్పింది. పవన్ కల్యాణ్ సినిమాలో అవకాశం వస్తే నో చెబుతావా? అంటే ఆయన అభిమానులు అంతెత్తున ఎగిరారు. దానికి ఆమె కూడా బలంగా రిప్లై ఇచ్చింది అనుకోండి. అయితే అప్పుడు అలా నో చెప్పి నానా యాగీ జరిగి ఇప్పుడిప్పుడే జనాలు ఆ విషయం మరచిపోతుంటే..
మరోసారి ఈ టాపిక్ చర్చకు వచ్చింది. అయితే ఈ సారి పవన్ ఫ్యాన్స్‌ ఫుల్‌ ఖుష్‌లో ఉన్నారు. అదేంటి అనసూయ విషయంలో పవన్ ఆలోచన మారిపోయిందా? అంటే ఆమె చెప్పిన మాట, ఇచ్చిన హైప్‌ అలా మార్చింది మరి. పవన్ కల్యాణ్‌తో కలసి తాను ఓ పాటకు డ్యాన్స్‌ చేశానని, అందుకు గర్వంగా ఉందని అనసూయ చెప్పింది. ఆ పాట త్వరలో మోత మోగిపోద్దంటూ ఆసక్తి రేకెత్తించింది. దీంతో పవన్ ఫ్యాన్స్‌… ‘అనసూయ అదుర్స్‌.. పాట ఇంకా అదుర్స్‌’ అంటూ మురిసిపోతున్నారు.
అన్నట్లు ఈ విషయాన్ని తాను టీమ్‌ లీడర్‌గా వ్యవహరిస్తున్న ఓ షోలో చెప్పింది. అయితే, ఇక్కడ విషయం ఏంటంటే.. ఏ సినిమాలో పవన్‌తో డ్యాన్స్‌ చేసింది అనేది మాత్రం చెప్పలేదు. ‘హరి హర వీరమల్లు’లో (Hari Hara Veera Mallu) డ్యాన్స్‌ చేసిందా? లేక ‘ఉస్తాద్‌ భగత్‌సింగ్‌’ (Ustaad Bhagat Singh) లో స్టెప్పులేసిందా? ఈ రెండూ కాకుండా ‘ఓజీ’ (OG) లోనా?’ అని చర్చ పెడుతున్నారు. కొంతమంది అయితే ‘హరి హర వీరమల్లు’ సినిమాలో స్టెప్పులేసి ఉంటుంది అని అంటుంటే..
కొందరు మాత్రం మోత మోగిపోద్ది అంది కాబట్టి ఏదైనా మాస్‌ సినిమాలో ఐటెమ్‌ సాంగ్‌ ఏమో అని అంటున్నారు. ‘హరి హర వీరమల్లు’ సినిమాలో మాస్‌ ఐటెమ్‌ సాంగ్‌ పెట్టే పరిస్థితి ఉండదు. అయితే ‘బాహుబలి’ (Baahubali) తరహాలో ఏదైనా పెడితే చెప్పలేం. చూద్దాం మరో ఎపిసోడ్‌లో ఏమన్నా ఈ విషయం గురించి చెబుతుందేమో? అంతేకాదు ఇన్నాళ్లూ ఈ విషయం లీక్‌ కాకుండా ఎలా ఉందబ్బా? అనేది కూడా ఇక్కడ ప్రశ్నే.
