బిగ్ బాస్ హౌస్ లో పార్టిసిపెంట్స్ వారి ఆప్తుల నుంచి వచ్చిన లేఖని పొందాలంటే వారి జీవితంలో జరిగిన అతి పెద్ద రహస్యాన్ని బిగ్ బాస్ ప్రేక్షకులో పంచుకోవాలని కండీషన్ పెట్టాడు. దీంతో ఒక్కొక్కరు తమ మనసులో దాచి ఉంచుకున్న రహస్యాలని బయటపెట్టారు. ఇందులో అవినాష్ ఇండస్ట్రీకి వచ్చిన కొత్తల్లో తాను ఎలా మోసబోయాను అనేది బయటపెట్టాడు.
నేను సినిమా అవకాశాలకోసం ప్రయత్నిస్తూ కిరాణా షాప్ లో పనిచేశా, అలాగే ఒక సాఫ్ట్ వేర్ కంపెనీలో టీ బాయ్ గా కూడా వర్క్ చేశానని చెప్పాడు. ఒక యాడ్ లో సినిమా అవకాశం కోసం అనేది చూశాను. అప్పుడు మణికొండలో ఒక సినిమా ఆఫీస్ కి వెళ్లాను. ఒక మంచి క్యారెక్టర్ ఇస్తాను దాదాపుగా విలన్ రోల్ , ఆ క్యారెక్టర్ చేస్తే నీ కెరియర్ మారిపోతుందని చెప్పారు.
దానికోసం 80వేలు కావాలని అడిగారు. నేను సినిమాపై ఉన్న పిచ్చితో, ఆర్టిస్ట్ అవుదామని కోరికతో మా నాన్న దగ్గరకి వెళ్లి ఆ డబ్బు కావాలని అడిగాను. దీంతో మా నాన్న వడ్డీకి పైసలు తెచ్చి మరీ ఇచ్చాడు. ఇలా అప్పు చేసి మరీ ఆ డబ్బు కట్టాను. కానీ కొన్నాళ్ల తర్వాత వాళ్లు సినిమా తీయలేదు. నన్ను ఆఫీసులో వదిలేసి వాళ్లు ఖమ్మం షూటింగ్ కి వెళ్తున్నామని చెక్కేశారు. అలా నాకు 80వేలకి టోపీ వేశారు. నేను మోసబోయాను బిగ్ బాస్ అంటూ అవినాష్ ఇండస్ట్రీలో తనకి జరిగిన మోసం గురించి చెప్పి ఆవేదనకి గురి అయ్యాడు.
అయితే, ఇది పెద్ద సీక్రెట్ గా అనిపించలేదని ఎందుకంటే ఇది ఆల్రెడీ నాకు కూడా చెప్పాడు కాబట్టి ఎవరితోనూ పంచుకోని సీక్రెట్ ఇది కాదనిచెప్పి అఖిల్ అవినాష్ కి వచ్చిన లెటర్ ని ముక్కలు చేసేయడం అనేది కొసమెరుపు.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
