మిల్కీ బ్యూటీ తమన్నా తొలిసారి టైటిల్ రోల్ పోషిస్తోన్న చిత్రం ‘అభినేత్రి’. 70 కోట్ల భారీ బడ్జెట్తో తెలుగు, హిందీ, తమిళ భాషల్లో ఈ సినిమాని విజయ్ తెరకెక్కిస్తున్నారు. కోన ఫిలిం కార్పొరేషన్ సమర్పణలో ఎం.వి.వి. సినిమా పతాకంపై ఎం.వి.వి.సత్యనారాయణ బ్లూ సర్కిల్ కార్పొరేషన్, బి.ఎల్.ఎన్. సినిమాతో కలిసి ఈ చిత్రాన్ని తెలుగులో నిర్మిస్తుండగా, ప్రభుదేవా స్టూడియోస్ పతాకంపై తమిళ్, హిందీ భాషల్లో ప్రభుదేవా నిర్మిస్తున్నారు.
ప్రభుదేవా, సోనూ సూద్, సప్తగిరి, మురళీశర్మ, హేమ, పథ్వీ, షకలక శంకర్ తదితరులు ముఖ్యపాత్రలు పోషిస్తున్న ఈ చిత్రం హిందీ వెర్షన్ తొలి పోస్టర్ ని ప్రముఖ హాలీవుడ్ నటుడు జాకీచాన్ విడుదల చేశారు. ఈ విషయాన్ని సోనూ సూద్ శనివారం ట్విట్టర్ లో వెల్లడించారు. శరవేగంగా షూటింగ్ జరుపుకున్న ఈ చిత్రం ఆడియో ఫంక్షన్ను ఆగస్ట్ 15న విజయవాడలో చాలా గ్రాండ్గా నిర్వహించేందుకు చిత్ర నిర్మాతలు సన్నాహాలు చేస్తున్నారు. ఎస్.ఎస్.థమన్, జి.వి.ప్రకాష్కుమార్ కలిసి మొదటిసారిగా సంగీతం అందిస్తున్న ఈ చిత్రాన్ని సెప్టెంబర్లో రిలీజ్ చేయనున్నారు.
Jackie Chan releasing the first look of 2 in 1 , with my friend @SonuSood pic.twitter.com/3pwpLprENE
— Prabhudheva (@PDdancing) July 30, 2016
