Jr NTR, Koratala Siva: ఎన్టీఆర్ చెప్పినట్టు కొరటాల మార్పులు చేస్తారా?

September 12, 2021 / 09:23 PM ISTByFilmy Focus

Join Us

Jr NTR, Koratala Siva: ఎన్టీఆర్ చెప్పినట్టు కొరటాల మార్పులు చేస్తారా?

స్టార్ డైరెక్టర్ కొరటాల శివ, స్టార్ హీరో జూనియర్ ఎన్టీఆర్ మధ్య కథకు సంబంధించిన చర్చలు మొదలయ్యాయి. స్టూడెంట్ లీడర్ గా ఉన్న హీరో పెద్ద కంపెనీకి సీఈవో అయ్యేలా కొరటాల శివ కథ సిద్ధం చేశారని సమాచారం. కొరటాల శివ కథలో దేశంలోని ఒక గ్రామం మాయం కావడం గురించి చెప్పారని అయితే కొరటాల చెప్పిన లైన్ లో ఎన్టీఆర్ మార్పులు కోరారని ఇండస్ట్రీ వర్గాల్లో వినిపిస్తోంది. కొరటాల శివ చెప్పిన పాయింట్ తో గతంలో పలు సినిమాలు వచ్చాయి.

అందువల్లే ఎన్టీఆర్ నుంచి అభ్యంతరం వ్యక్తమైందని సమాచారం. కొరటాల శివ స్క్రిప్ట్ పనులు పూర్తి చేసి ఎప్పటినుంచి షూటింగ్ ను మొదలుపెడతారో చూడాల్సి ఉంది. వచ్చే నెల నుంచి ఈ సినిమా షూటింగ్ మొదలయ్యే అవకాశాలు ఉన్నాయి. కొరటాల చెప్పిన లైన్ గురించి కొంతమంది నెటిజన్లు మహర్షి2 అని శ్రీమంతుడు2 అని కామెంట్లు చేస్తున్నారు. బన్నీ కోసం తయారు చేసిన లైన్ నే కొరటాల శివ తారక్ కు వినిపించారని సమాచారం.

Koratala Siva, Jr NTR,

మరోవైపు ఈ సినిమాకు మ్యూజిక్ డైరెక్టర్ గా అనిరుధ్ ఎంపికైనట్లు తెలుస్తోంది. ఈ సినిమాలో నటించే హీరోయిన్, ఇతర సాంకేతిక నిపుణుల వివరాలు తెలియాల్సి ఉంది. కొరటాల శివ ఎన్టీఆర్ తో ఇండస్ట్రీ హిట్ సినిమాను తెరకెక్కించాలని భావిస్తున్నట్టు తెలుస్తోంది. ఈ సినిమాకు సంబంధించిన ఇతర వివరాలు తెలియాల్సి ఉంది. ప్రస్తుతం తారక్ ఎవరు మీలో కోటీశ్వరులు షోతో బిజీగా ఉన్న సంగతి తెలిసిందే.