Jr NTR: వకీల్ సాబ్ చూసి ఎన్టీఆర్ ఏం చేశారంటే..?

పవర్ స్టార్ పవన్ కళ్యాణ్ లాయర్ పాత్రలో నటించి గత శుక్రవారం విడుదలైన వకీల్ సాబ్ పాజిటివ్ టాక్ ను సొంతం చేసుకున్న సంగతి తెలిసిందే. తెలుగు రాష్ట్రాల్లో కరోనా కేసులు అంతకంతకూ పెరుగుతున్నా వీకెండ్ తో పాటు వీక్ డేస్ లో కూడా వకీల్ సాబ్ కు రికార్డు స్థాయిలో కలెక్షన్లు వస్తున్నాయి. ఈ సినిమా హిట్ కావడంతో దర్శకుడు శ్రీరామ్ వేణు డైరెక్షన్ లో నటించడానికి స్టార్ హీరోలు సైతం ఆసక్తి చూపుతున్నారు. సినిమాలో పవన్ తో పాటు కీలక పాత్రల్లో నటించిన నివేదా థామస్, అంజలి, అనన్య నాగళ్ల, ప్రకాష్ రాజ్ పాత్రలకు కూడా ప్రేక్షకుల నుంచి ప్రశంసలు వ్యక్తమవుతున్నాయి.

ఈ సినిమాలో నందా అనే లాయర్ పాత్రలో నటించిన ప్రకాష్ రాజ్ సినిమా ప్రమోషన్స్ లో మాట్లాడుతూ ఆసక్తికర విషయాన్ని వెల్లడించారు. జూనియర్ ఎన్టీఆర్ వకీల్ సాబ్ సినిమాను చూసి పవన్ ను హగ్ చేసుకున్నారని ప్రకాష్ రాజ్ తెలిపారు. వకీల్ సాబ్ సినిమా జూనియర్ ఎన్టీఆర్ కు బాగా నచ్చిందని ఎన్టీఆర్ పవన్ ను హగ్ చేసుకుని చెప్పకనే చెప్పేశారు. పవన్ ను హగ్ చేసుకుని వకీల్ సాబ్ సినిమా బాగుందని ఎన్టీఆర్ పరోక్షంగా రివ్యూ ఇచ్చేశారు.

ఈ వార్త విన్న పవన్, ఎన్టీఆర్ ఫ్యాన్స్ ఆనందానికి అవధులు లేకుండా పోయాయి. ప్రకాష్ రాజ్ ద్వారా ఎన్టీఆర్ వకీల్ సాబ్ సినిమాను చూశారన్న విషయం వెలుగులోకి వచ్చింది. మరోవైపు పవన్, ఎన్టీఆర్ ప్రస్తుతం వరుస ప్రాజెక్టులతో బిజీగా ఉన్నారు. పవన్ ప్రస్తుతం సాగర్ కె చంద్ర డైరెక్షన్ లో అయ్యప్పనుమ్ కోషియమ్ రీమేక్, క్రిష్ డైరెక్షన్ లో హరిహర వీరమల్లు సినిమాల్లో నటిస్తుండగా జూనియర్ ఎన్టీఆర్ ప్రస్తుతం ఆర్ఆర్ఆర్ సినిమాతో బిజీగా ఉన్నారు.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!