తన గురించి ఎవ్వరికీ తెలియని విషయాన్ని బయటపెట్టిన కాజల్…!

పెళ్ళైన తరువాత కాజల్ నుండీ రాబోతున్న చిత్రం ‘మోసగాళ్ళు’.మంచు విష్ణు, కాజల్, సునీల్‌ శెట్టి ప్రధాన పాత్రల్లో రూపొందిన ఈ చిత్రాన్ని జెఫ్రీ గీ చిన్‌ డైరెక్ట్ చేసాడు. ఈ చిత్రంలో కాజల్, మంచు విష్ణులు అక్కా తమ్ముళ్ళుగా కనిపించబోతున్నారు.’24 ఫ్రేమ్స్ ఫ్యాక్టరీ’ బ్యానర్ పై మంచు విష్ణు నిర్మించిన ఈ చిత్రం మార్చి 19న విడుదల కాబోతుంది. కాగా ఈ చిత్రం ప్రమోషన్లలో భాగంగా కాజల్ ఓ ఇంటర్వ్యూలో పాల్గొని ఎవ్వరికీ తెలియని ఓ విషయాన్ని బయటపెట్టింది.

అదేంటంటే రియల్ లైఫ్ లో కూడా కాజల్ ఓ సందర్భంలో మోసపోయిందట. ఈ విషయం చెప్పగానే అందరూ ఆమె ప్రేమ వ్యవహారాల్లో మోసపోయి ఉంటుంది అనుకుంటారేమో.. కానీ అదేమీ కాదు…! కాజల్ ఓ ఆన్ లైన్ వెబ్ సైట్ వల్ల మోసపోయిందట. మేటర్ ఏంటంటే.. కాజల్ ఓ ఆన్లైన్ వెబ్ సైట్ లో షాపింగ్ చేసి 3 వేల రూపాయల వరకూ కోల్పోయినట్లు తెలిపింది. అందుకు గాను ఆమె తండ్రి కూడా బాగా తిట్టారట. ఇప్పుడంటే అది తనకు చిన్న అమౌంట్ అయినప్పటికీ..

ఆ రోజుల్లో 3 వేల రూపాయలు అంటే.. తనకు చాలా ఎక్కువని చెప్పుకొచ్చింది.ఇక అను, అర్జున్‌ అనే అక్కాతమ్ముళ్లు ముంబయ్‌ మురికివాడల నుంచి వచ్చి అమెరికాలో ఎలా స్కామ్‌ చేశారన్నది ‘మోసగాళ్ళు’ అసలు కథ అని చెప్పుకొచ్చింది. దర్శకుడు జెఫ్రీ చాలా అద్భుతంగా ఈ చిత్రాన్ని మలిచినట్టు కూడా ఆమె చెప్పుకొచ్చింది.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!