తెలుగులో ఎక్కువ సంఖ్యలో సినిమాలు చేసినా ఆశించిన రేంజ్ లో సక్సెస్ రేట్ లేని హీరోలలో కళ్యాణ్ రామ్ ఒకరు. అతనొక్కడే, పటాస్, బింబిసార సినిమాలలో నటించిన కళ్యాణ్ రామ్ ఆ సినిమాలతో భారీ విజయాలను ఖాతాలో వేసుకున్నారు. అమిగోస్ ప్రమోషన్స్ లో భాగంగా ప్రయోగాత్మక సినిమాలలో నటించడం గురించి కళ్యాణ్ రామ్ ఆసక్తికర వ్యాఖ్యలు చేశారు. తాను ఎక్కువగా ప్రయోగాలు చేయలేదని కళ్యాణ్ రామ్ అన్నారు. తాను ఎప్పుడూ కమర్షియల్ మూవీలను కొత్తగా తెరకెక్కించాలని ప్రయత్నిస్తానని కళ్యాణ్ రామ్ అన్నారు.
తాను తన సినీ కెరీర్ లో ఒకటి రెండు ప్రయోగాత్మక సినిమాలలో మాత్రమే నటించానని ఆయన వెల్లడించారు. అమిగోస్ లో విలన్ రోల్ కొత్తగా ఉంటుందని ఆయన తెలిపారు. కరోనా సమయంలో తాను నటించిన సినిమాలు ఎందుకు ఫ్లాప్ అయ్యాయో ఆలోచించానని ఆయన వెల్లడించారు. అయితే జూనియర్ ఎన్టీఆర్ మాత్రం కళ్యాణ్ రామ్ ఎక్కువగా ప్రయోగాత్మక సినిమాలలో నటించారని కామెంట్ చేయడం గమనార్హం. అయితే ప్రయోగాత్మక సినిమాల విషయంలో తారక్, కళ్యాణ్ రామ్ భిన్నాభిప్రాయాలు వ్యక్తం చేసి ఫ్యాన్స్ ను కన్ఫ్యూజ్ చేశారు.
మరోవైపు అమిగోస్ సక్సెస్ సాధిస్తే కళ్యాణ్ రామ్ ఆనందానికి అవధులు ఉండవు. కళ్యాణ్ రామ్ భవిష్యత్తు ప్రాజెక్ట్ లైన డెవిల్, బింబిసార2 సినిమాలపై మంచి అంచనాలు ఉన్నాయి. అమిగోస్ సినిమా టాక్ కోసం ఇండస్ట్రీ కూడా ఆసక్తిగా ఎదురుచూస్తుంది. ఈ సినిమా సక్సెస్ సాధిస్తే ఈ తరహా కథాంశాలతో మరికొన్ని సినిమాలు తెరకెక్కే ఛాన్స్ అయితే ఉంది.
వరుస విజయాలతో విజయవంతంగా కెరీర్ ను కొనసాగించి ప్రేక్షకులను మరింత మెప్పించాలని కళ్యాణ్ రామ్ కోరుకుంటున్నారు. కళ్యాణ్ రామ్ అమిగోస్ సినిమాకు 5 కోట్ల రూపాయల రేంజ్ లో రెమ్యునరేషన్ తీసుకుంటున్నారని తెలుస్తోంది.
రైటర్ పద్మభూషణ్ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
