2013 లో వచ్చిన విశ్వ రూపం తో సూపర్ హిట్ అందుకున్న కమల్ హాసన్ ఆ తరవాత కమల్ హాసన్… 5 సినిమాల్లో నటించాడు కానీ ఏవీ కూడా విజయం సాధించలేదు. తర్వాత ఆయన రాజకీయాల్లో బిజీగా అవ్వడంతో సినిమాలకి కాస్త దూరంగా ఉంటూ వచ్చారు.శంకర్ దర్శకత్వంలో ఇండియన్ 2 ప్రారంభించారు కానీ కొన్ని ఆటంకాలు కారణంగా ఆ చిత్రం ఆగిపోయింది. దీంతో కొంచెం గ్యాప్ తీసుకుని ఆయన విక్రమ్ చిత్రంతో ప్రేక్షకుల ముందుకు వచ్చారు.
లోకేష్ కనగరాజన్ ఈ చిత్రానికి దర్శకుడు. జూన్ 3 న విడుదలైన ఈ మూవీ సూపర్ హిట్ అయ్యింది.ఒక్క తమిళనాడులోనే ఈ చిత్రం రూ.100 కోట్ల గ్రాస్ ను వసూల్ చేసింది. ఇంతటి ఘన విజయాన్ని తనకు అందించిన కారణంగా కమల్ హాసన్ దర్శకుడు లోకేష్ కనగరాజన్ కు ఓ కాస్ట్ లీ కార్ ను బహుమతి గా అందించారు. లెక్సస్(Lexus) కంపెనీ బ్రాండ్ కు చెందిన ఈ కారు విలువ రూ.60 లక్షలు ఉంటుందని అంచనా…! ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.
లోకేష్ విక్రమ్ కంటే ముందు.. ఖైదీ, మాస్టర్ లాంటి సూపర్ హిట్స్ ఇచ్చాడు. విక్రమ్ తో ఆ చిత్రాలను మరిపించే బ్లాక్ బస్టర్ ఇచ్చాడు అనే చెప్పాలి. పూర్తిగా యాక్షన్ నేపథ్యంలో తెరకెక్కిన విక్రమ్ చిత్రంలో కమల్ హాసన్ తో పాటు విజయ్ సేతుపతి, ఫహద్ ఫాజిల్, సూర్య వంటి స్టార్ హీరోలు కూడా నటించారు. అనిరుథ్ ఈ చిత్రానికి సంగీతం అందించాడు.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
