Kamal Haasan: కమల్‌ ఎందుకిలా చేస్తున్నాడు? ఇది కోలీవుడ్‌ vs శాండిల్‌వుడ్‌కి దారితీయదుగా!

ఇప్పుడంటే కాస్త కూల్‌ అయ్యారు కానీ.. కమల్‌ హాసన్‌ (Kamal Haasan) చాలా స్టబర్న్‌. ఏదో విషయం మీద ఆయన పంతం పట్టారు అంటే అంత త్వరగా వెనక్కి తగ్గరు. గతంలో చాలా సందర్భాల్లో ఆయన నుండి ఇలాంటి బిహేవియర్‌ చూశాం. అయితే నేటి తరం సినిమా ప్రేక్షకులకు ఆయనలోని ఈ కోణం గురించి పెద్దగా తెలియదు. అలాంటి వాళ్లు ఇప్పుడు ‘థగ్‌ లైఫ్‌’(Thug Life) చుట్టూ తిరుగుతున్న కన్నడ కామెంట్ల విషయం చూడాలి.

Kamal Haasan

‘సారీ చెబితే సరిపోతుంది కదా..’ అని హైకోర్టు చెప్పినా.. ఆయన సారీ చెప్పడానికి ముందుకు రావడం లేదు. సారీ చెప్పేంత తప్పు నేనేమీ మాట్లాడలేదు అన్నారు. అయితే ఇప్పుడు.. ఆయన పంతం సినిమాకు ఎంత లాస్‌ తీసుకొస్తుంది? కోలీవుడ్‌ వర్సెస్‌ శాండిల్‌ వుడ్‌ అనే పరిస్థితి వస్తుందా? లాంటి ప్రశ్నలు వినిపిస్తున్నాయి. ఈ సినిమాను పాన్‌ ఇండియా లెవల్‌లో రిలీజ్‌ చేయడానికి చాలా రోజులుగా ఏర్పాట్లు చేస్తున్నారు.

కర్ణాటకలో భారీ ఎత్తున ప్రచారం కూడా చేశారు. ఇప్పుడు సినిమా అక్కడ రిలీజ్‌ చేయకపోతే అదంతా బూడిదలో పోసిన పన్నీరే అవుతుంది. ఇక అక్కడి పంపిణీదారుల నుండి తీసుకున్న అడ్వాన్స్‌లు వెనక్కి ఇవ్వాల్సి వస్తుంది. ఇదంతా జరిగితే సుమారు రూ.30 కోట్లు నష్టం అని అంటున్నారు. ఈ సినిమాకు నిర్మాత కూడా కమలే కాబట్టి.. మొత్తం నష్టం ఆయనే భరిస్తారు. ఆ కారణంగానే ధైర్యంగా కర్ణాటకలో సినిమా రిలీజ్‌ చేయకూడదని నిర్ణయం తీసేసుకున్నారు.

కానీ తర్వాత కమల్‌ చేయబోయే సినిమాలు చాలానే ఉన్నాయి. అవి ఇతర నిర్మాతల సినిమాలు. ఆయన బ్యానర్‌లో ఇతర నటులు కూడా సినిమాలు చేస్తున్నారు. వాటిని కూడా కర్ణాటకలో బ్యాన్‌ చేస్తే ఇబ్బందవుతుంది. అప్పుడు ఈ పరిస్థితి కమల్‌ హాసన్‌ వర్సెస్‌ శాండిల్‌వుడ్‌లా కాకుండా కోలీవుడ్‌ వర్సెస్‌ శాండిల్‌వుడ్‌ అవుతుంది. అప్పుడు కన్నడ హీరోల సినిమాలకు కోలీవుడ్‌లో ఇబ్బంది ఎదురవుతుంది.