కోలీవుడ్ స్టార్ హీరో కమల్ హాసన్ (Kamal Haasan) ప్రస్తుతం వరుస సినిమాలతో బిజీగా ఉన్న సంగతి తెలిసిందే. ఒకవైపు రాజకీయాలతో మరోవైపు సినిమాలతో బిజీగా ఉన్న కమల్ హాసన్ తాజాగా తన రాజకీయ పార్టీకి సంబంధించి సంచలన ప్రకటన చేశారు. మరికొన్ని రోజుల్లో లోక్ సభ ఎన్నికలు జరగనుండగా నేను, నా పార్టీ ఎన్నికల్లో పోటీ చేయడం లేదని కమల్ హాసన్ చెప్పుకొచ్చారు. ఈ కూటమికి అన్ని విధాలా సహకరిస్తామని ఇది పదవి కోసమే కాదు దేశం కోసమని కమల్ హాసన్ పేర్కొన్నారు.
కమల్ హాసన్ వ్యాఖ్యల ప్రకారం మరికొన్ని రోజుల్లో జరగనున్న లోక్ సభ ఎన్నికల్లో మక్కల్ నీది మయ్యమ్ ఒక్క స్థానంలో కూడా పోటీ చేయడం లేదని తెలుస్తోంది.. పార్టీ పోటీ చేయకపోయినా కూటమి గెలుపు కోసం కమల్ హాసన్ ఎన్నికల ప్రచారం చేయనున్నారు. కమల్ హాసన్ తీసుకున్న నిర్ణయంపై నెటిజన్ల నుంచి, ఆయన అభిమానుల నుంచి భిన్నాభిప్రాయాలు వ్యక్తమవుతున్నాయి.
పార్టీ పెట్టి ఎన్నికల్లో పోటీ చేయకపోవడం వల్ల పార్టీకి తీవ్రస్థాయిలో నష్టం కలుగుతుందని కామెంట్లు వ్యక్తమవుతున్నాయి. కమల్ హాసన్ రాజకీయాలపై సీరియస్ గా లేరని ఇలా రాజకీయాలు చేస్తే సక్సెస్ కావడం కష్టమని కామెంట్లు వ్యక్తమవుతున్నాయి. కమల్ హాసన్ ఈ కామెంట్ల విషయంలో ఎలా రియాక్ట్ అవుతారో చూడాల్సి ఉంది. ప్రాజెక్ట్ కే సినిమాలో కమల్ హాసన్ కీలక పాత్రలో నటిస్తున్నారు.
కమల్ హాసన్ ఇండియన్2 సినిమాతో ఈ ఏడాది ప్రేక్షకుల ముందుకు రానున్నారు. (Indian 2) ఇండియన్2 మూవీ ఒకింత భారీ బడ్జెట్ తో తెరకెక్కుతోంది. ఈ సినిమా రిలీజ్ డేట్ కు సంబంధించి గందరగోళం నెలకొంది. (Vikram) విక్రమ్ సినిమాతో సక్సెస్ సాధించిన కమల్ హాసన్ తర్వాత సినిమాలతో భారీ విజయాలను అందుకుంటారేమో చూడాలి. ప్రాజెక్ట్ కే మూవీ మే నెల 9వ తేదీన థియేటర్లలో విడుదల కానుంది.
భీమా సినిమా రివ్యూ & రేటింగ్!
వళరి సినిమా రివ్యూ & రేటింగ్!
Home