మరోసారి నోటికి, ట్వీట్‌కి పని చెప్పిన కంగన

December 16, 2020 / 12:44 PM ISTByFilmy Focus

Join Us

మరోసారి నోటికి, ట్వీట్‌కి పని చెప్పిన కంగన

ప్రేమ వచ్చినా, కోపం వచ్చిన ఓ పట్టాన పోవు అంటారు కదా. అందులో ప్రేమికులు/సన్నిహితులు విడిపోయాక మధ్య పుట్టే కోపం అంత త్వరగా పోదు. అందుకు ఓ ఉదాహరణ హృతిక్‌ రోషన్‌ – కంగనా రనౌత్‌. అందుకే వీలు చిక్కినప్పుడల్లా హృతిక్‌ రోషన్‌పై కంగన రనౌత్‌ విరుచుకుపడుతూనే ఉంటుంది. ఒక్కోసారి ‘నువ్వే మంచోడివిలా కనిపిస్తున్నావ్‌’ అంటూ వ్యంగ్యంగా చురకలు కూడా అంటిస్తూ ఉంటుంది. తాజాగా మరోసారి హృతిక్‌పై ట్విటర్‌లో కౌంటర్లు వేసింది. దానికి ఎప్పటిలాగే హృతిక్‌ సమాధానం ఇవ్వలేదు. కానీ నెటిజన్లు మాత్రం తమదైన శైలిలో సమాధానాలిస్తున్నారు.

కంగన తాజాగా హృతిక్‌ మీద విరుచుకుపడటానికి కారణం… అతను తీసుకున్న కొత్త నిర్ణయమే. 2013-14 మధ్య కాలంలో కంగనా ఈమెయిల్‌ నుంచి తనకు వందలాదిగా మెయిల్స్‌ వచ్చాయని హృతిక్‌ రోషన్‌ ఆరోపించిన విషయం తెలిసిందే. దాంతోపాటు కంగనతో తనకు ఎలాంటి సంబంధం లేదని కూడా చెప్పాడు. దీంతో ఒకరికొకరు లీగల్‌ నోటీసులు ఇచ్చుకున్నారు. హృతిక్‌ ఆ తర్వాత ఈ విషయమై ముంబయి సైబర్‌ పోలీసులకు ఫిర్యాదు చేశాడు. తాజాగా ఆ కేసును క్రైం ఇంటెలిజెన్స్‌ యూనిట్‌కు బదిలీ చేయాలని పోలీసులను కోరాడు. అదే ఇప్పుడు కంగన కోపానికి కారణమైంది.

ఇంతకీ కంగన ఏం ట్వీట్‌ చేసిందంటే… ‘‘అతని విషాధ కథ మళ్లీ మొదలైంది. మేం విడిపోయి, అతను తన భార్య నుంచి విడాకులు తీసుకుని చాలా ఏళ్లవుతోంది. ఇప్పటికీ అతను జీవితంలో ముందుకు వెళ్లడం లేదు. ఈ చిన్న విషయం గురించి ఇంకా ఎన్ని రోజులు ఏడుస్తావు’’ అంటూ కంగన వ్యంగ్యంగా ట్వీట్‌ చేసింది. ఈ మధ్య వరుస ట్వీట్లతో కంగనా రనౌత్‌ తరచూ వార్తల్లో నిలుస్తోంది. రైతుల ఉద్యమం, అంతకుముందు సుశాంత్‌ సింగ్‌ రాజ్‌పూత్‌ ఆత్మహత్య కేసు లాంటి విషయాల్లో అనుచిత వ్యాఖ్యలు చేసి వివాదాలు కొని తెచ్చుకుంది. ఇప్పుడు మళ్లీ హృతిక్‌ మీదకు దృష్టిమరల్చింది.

His sob story starts again, so many years since our break up and his divorce but he refuses to move on, refuses to date any woman, just when I gather courage to find some hope in my personal life he starts the same drama again, @iHrithik kab tak royega ek chote se affair keliye? https://t.co/qh6pYkpsIP

— Kangana Ranaut (@KanganaTeam) December 14, 2020