2018లో వచ్చిన ‘కె.జి.ఎఫ్ చాప్టర్ 1’ మూవీ సూపర్ సక్సెస్ సాధించడంతో ‘కె.జి.ఎఫ్ చాప్టర్ 2’ పై కూడా మొదటి నుండీ భారీ అంచనాలు ఏర్పడ్డాయి. ఆ అంచనాలకు తగ్గట్టుగానే దర్శకుడు ప్రశాంత్ నీల్ ‘కె.జి.ఎఫ్ 2’ ని తీర్చిదిద్దిన విధానం అందరినీ ఆకట్టుకుంటుంది. ఏప్రిల్ 14న భారీ రేంజ్లో విడుదలైన ఈ మూవీ ఇప్పటికీ సక్సెస్ ఫుల్ రన్ ను కొనసాగిస్తుంది. రాకింగ్ స్టార్ యష్ హీరోయిజం, దర్శకుడు ప్రశాంత్ నీల్ మాస్ టేకింగ్ ప్రేక్షకుల్ని అమితంగా ఆకట్టుకున్నాయి.
టీజర్, ట్రైలర్లకి తగ్గట్టుగానే సినిమా కూడా ఉండడంతో ‘కె.జి.ఎఫ్ 2’ కి మాస్ ఓపెనింగ్స్ నమోదయ్యాయి. ‘ఆచార్య’ వంటి పెద్ద సినిమా రిలీజ్ అయినా తెలుగు రాష్ట్రాల్లో ఇంకా డీసెంట్ కలెక్షన్స్ ను సాధిస్తుంది ‘కె.జి.ఎఫ్ చాప్టర్2’.అయితే ఈ మూవీకి ఆంధ్ర లో టికెట్ రేట్ల హైక్ దక్కలేదు. దాంతో నైజాంలో భారీ లాభాలను అందించిన ఈ మూవీ ఆంధ్రాలో మాత్రం బిజినెస్ జరిగిన రేంజ్లో కలెక్ట్ చేయలేదు. ఒకసారి ‘కె.జి.ఎఫ్ 2’ 20 రోజుల కలెక్షన్స్ ను గమనిస్తే :
| నైజాం | 42.01 cr |
| సీడెడ్ | 11.27 cr |
| ఉత్తరాంధ్ర | 7.49 cr |
| ఈస్ట్ | 5.47 cr |
| వెస్ట్ | 3.39 cr |
| గుంటూరు | 4.52 cr |
| కృష్ణా | 4.10 cr |
| నెల్లూరు | 2.64 cr |
| ఏపీ + తెలంగాణ (టోటల్) | 80.89 cr |
‘కె.జి.ఎఫ్2’ చిత్రానికి రూ.74 కోట్ల థియేట్రికల్ బిజినెస్ జరిగింది. బ్రేక్ ఈవెన్ కావాలంటే రూ.75 కోట్ల వరకు షేర్ ను రాబట్టాల్సి ఉంది. 12 రోజులకే బ్రేక్ ఈవెన్ కంప్లీట్ చేసిన ఈ మూవీ 20 రోజులు పూర్తయ్యేసరికి రూ.80.89 కోట్ల షేర్ ను రాబట్టింది. ఓ డబ్బింగ్ సినిమా ఇంత కలెక్ట్ చేయడం అంటే మామూలు విషయం కాదు. గతంలో ఈ రికార్డ్ ‘2.o’ పేరుతో ఉండేది.కానీ ఆ మూవీ బ్రేక్ ఈవెన్ కాలేదు.
కానీ ‘కె.జి.ఎఫ్ 2’ తెలుగు రాష్ట్రాల్లో ఓవరాల్ గా బ్రేక్ ఈవెన్ ను కంప్లీట్ చేయడమే కాకుండా రూ.5.89 కోట్ల లాభాలను అందించింది. కాకపోతే ఆంధ్రాలో ఈ మూవీ బ్రేక్ ఈవెన్ కాలేదు. అయ్యే అవకాశాలు కూడా కనిపించడం లేదు. అక్కడ ఈ చిత్రానికి రూ.49 కోట్ల బిజినెస్ జరిగితే ఇప్పటివరకు కేవలం రూ. 38.88 కోట్ల షేర్ ను మాత్రమే రాబట్టింది. కాకపోతే ‘ఆచార్య’ విడుదలైనప్పటికీ ఈ మూవీ స్టడీగా రాణిస్తుండడం విశేషం.
నిన్న రంజాన్ రోజు హాలిడేని కూడా ఈ మూవీ బాగా వాడుకుంది. ‘ఆచార్య’ కి దక్కిన టికెట్ రేట్ల హైక్ లు ‘కె.జి.ఎఫ్’ కు దక్కి ఉంటే ఈ మూవీ కచ్చితంగా ఆంధ్రాలో బ్రేక్ ఈవెన్ సాధించేది.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home