‘కేజీఎఫ్’ సినిమాతో స్టార్ డం సంపాదించుకున్నాడు నటుడు యష్. ప్రశాంత్ నీల్ డైరెక్ట్ చేసిన ఈ సినిమా కన్నడతో పాటు తెలుగు, తమిళ, హిందీ భాషల్లోనూ ఘన విజయం సాధించింది. ప్రస్తుతం ఈ సినిమాకి సీక్వెల్ తెరకెక్కుతోంది. తొలిభాగం సూపర్ హిట్ కావడంతో సీక్వెల్ ని మరింత భారీగా తెరకెక్కిస్తున్నారు. ఈ సినిమాలో యష్ కి ప్రతినాయకుడిగా బాలీవుడ్ సీనియర్ హీరో సంజయ్ దత్ నటిస్తున్నారు. ఇప్పటికే సంజయ్ దత్ కి సంబంధించిన ప్రీలుక్ ని విడుదల చేశారు.
తాజాగా యష్ పుట్టినరోజు సందర్భంగా ‘కేజీఎఫ్’ సెకండ్ లుక్ ని విడుదల చేశారు. తొంబైల నాటి స్టైల్ లో చేతిలో ఆయుధంతో అగ్రెసివ్ గా కనిపిస్తున్న యష్ లుక్ ఆకట్టుకుంటోంది. ఈ సినిమాలో యష్ సరసన శ్రీనిధి శెట్టి హీరోయిన్‌గా నటిస్తోంది. అలానే ఈ సినిమాలో రవీనా టండన్‌, అనంత్‌ నాగ్‌, మాళవికా అవినాష్‌, అచ్యుతకుమార్‌లు కీలక పాత్రల్లో నటిస్తున్నారు. ప్రస్తుతం పోస్ట్ ప్రొడక్షన్ పనులతో పాటు షూటింగ్ కూడా శరవేగంగా జరుపుతున్నారు. అన్ని కార్యక్రమాలు పూర్తి చేసి 2020 వేసవిలో సినిమాను రిలీజ్ చేసేందుకు ప్లాన్‌ చేస్తున్నారు.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
