ఓ పాటలో మెరిసిన తమన్నా తప్ప… తెలిసిన మోహం ఒక్కటి కూడా ఉండదు. అలాంటిది ఓ కన్నడ చిత్రం అన్ని భాషల్లోనూ రికార్డు సృష్టించింది. అదేంటో ఈ పాటికే మీ అందరికీ తెలిసిపోయి ఉంటుంది కదా. యెస్ అదే…. ‘కె.జి.ఎఫ్ చాప్టర్ 1’. 2018 డిసెంబర్ 21 న విడుదలైన ఈ చిత్రం అన్ని భాషల్లోనూ సూపర్ హిట్ గా నిలిచింది. 200 కోట్లకు పైగా కలెక్షన్లను రాబట్టిన చిత్రంగా రికార్డులకెక్కింది. చెప్పాలంటే ‘కె.జి.ఎఫ్ చాప్టర్ 1’ రిలీజ్ అయిన డేట్ కు మిగిలిన భాషల్లో కూడా పెద్ద సినిమాలు విడుదల అయ్యాయి.హిందీ లో అయితే షారూఖ్ ఖాన్ నటించిన ‘జీరో’ పక్కన విడుదలై కూడా బ్లాక్ బస్టర్ అందుకుంది.
తెలిసిన మొహాలు లేకుండానే అంత పెద్ద హిట్ అయ్యింది. అదే అన్ని భాషల్లోనూ పాపులర్ అయిన నటులను పెట్టుకుంటే.. ఇంకెన్ని రికార్డులు సృష్ఠిస్తుందో అని… సీక్వెల్ అయిన ‘కె.జి.ఎఫ్ చాప్టర్2’ లో సంజయ్ దత్, రమ్య కృష్ణ, రవీనా టాండన్ వంటి స్టార్ లను ఎంపిక చేసుకున్నాడు దర్శకుడు ప్రశాంత్ నీల్.ఇక అక్టోబర్ 23 న ‘కె.జి.ఎఫ్ చాప్టర్ 2’ ని విడుదల చేస్తామని టీం ప్రకటించిన సంగతి తెలిసిందే. అయితే లాక్ డౌన్ వల్ల షూటింగ్ నిలిచిపోయింది కాబట్టి.. అది కష్టమనే చెప్పాలి.
ఇదిలా ఉంటే.. ‘కె.జి.ఎఫ్ చాప్టర్ 2’ చిత్రం డిజిటల్ రైట్స్ ను అమెజాన్ ప్రైమ్ సంస్థ … ఏకంగా 55 కోట్లు పెట్టి కొనుగోలు చేసిందట. కన్నడంతో పాటు తెలుగు, తమిళ్, హిందీ, మలయాళం భాషలు అన్నీ కలిపి ఇంత పెద్ద మొత్తం పెట్టినట్టు తెలుస్తుంది. ‘కె.జి.ఎఫ్ చాప్టర్1’ ను అమెజాన్ ప్రైమ్ లో ఎక్కువ మంది వీక్షించిన చిత్రంగా రికార్డులు సృష్టించింది… అందుకే వారు ఇంత భారీ రేటు పెట్టి కొనుగోలు చేసినట్టు తెలుస్తుంది.
Most Recommended Video
అమృతారామమ్ సినిమా రివ్యూ & రేటింగ్!
‘బాహుబలి’ ని ముందుగా ప్రభాస్ కోసం అనుకోలేదట…!
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు
