ఈటీవీ ఛానల్ లో ఊహించని స్థాయిలో హిట్టైన ప్రోగ్రామ్స్ లో జబర్దస్త్ ఒకటనే సంగతి తెలిసిందే. అయితే వేర్వేరు కారణాల వల్ల జబర్దస్త్ షో ద్వారా గుర్తింపును సొంతం చేసుకున్న కమెడియన్లు ఆ షోను వీడి ఇతర ఛానెళ్లలోని షోలతో బిజీ అవుతున్నారు. మరి కొందరు జబర్దస్త్ కమెడియన్లు ఆ షోకు గుడ్ బై చెప్పిన తర్వాత సినిమాలకు పరిమితమవుతున్నారు. కొంతమంది కమెడియన్లు మాత్రం జబర్దస్త్ షో ద్వారా ఆర్థికంగా స్థిరపడి ఇంటికే పరిమితమై ఉన్నారు.
జబర్దస్త్ కు దూరమై స్టార్ మా ఛానల్ లోని ప్రోగ్రామ్ లతో బిజీగా ఉన్న కిరాక్ అర్పీ కొన్నిరోజుల క్రితం నాగబాబు పేరును గుండెపై పచ్చబొట్టులా వేయించుకోవడం ద్వారా వార్తల్లో నిలిచిన సంగతి తెలిసిందే. తాజాగా ఒక ఇంటర్వ్యూలో ఆర్పీ మాట్లాడుతూ జబర్దస్త్ సంస్థ వాళ్లు చులకనగా చూస్తారని జబర్దస్త్ కు పని చేసిన డైరెక్టర్ల వల్లే ఈ స్థాయికి వచ్చామని ఆర్పీ వెల్లడించారు. డబ్బులు పెట్టడం కష్టం కాదని ఎవరైనా ఇన్వెస్ట్ చేస్తారని ఆర్పీ తెలిపారు.
నాగబాబు గారితో తమకు అనుబంధం ఎక్కువని ఆయనతో అనుబంధం ఉన్న స్థాయిలో రోజాతో అనుబంధం లేదని ఆర్పీ కామెంట్లు చేశారు. పవన్ కళ్యాణ్ తన సినిమాకు పని చేసే వాళ్లందరికీ మంచి ఆహారం అందేలా చూస్తారని ఆర్పీ పేర్కొన్నారు. జబర్దస్త్ సంస్థ వాళ్లు మాత్రం ఆ విధంగా చేయరని ఆర్పీ చేసిన వ్యాఖ్యలు చర్చనీయాంశం అన్నారు. ఎంతో కష్టపడి ఇల్లు, కార్లు కొనుక్కున్నామని ఆర్పీ తెలిపారు.
ఆర్పీ చేసిన కామెంట్ల గురించి నెటిజన్ల నుంచి భిన్నాభిప్రాయాలు వ్యక్తమవుతున్నాయి. జబర్దస్త్ లో ఉన్న సమయంలో విమర్శలు చేయకుండా షో నుంచి బయటకు వచ్చాక విమర్శలు చేయడం ఏమిటని కామెంట్లు వ్యక్తమవుతున్నాయి. జబర్దస్త్ ద్వారానే ఆర్పీకి ఈ స్థాయిలో గుర్తింపు వచ్చిందని చెబుతున్నారు. తాము ప్రస్తుతం పని చేస్తున్న షోల గురించి గొప్పగా చెప్పుకోవడంలో తప్పు లేదని అయితే అందుకోసం ఇతర షోలపై విమర్శలు చేయడం సరికాదని కామెంట్లు వినిపిస్తున్నాయి.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
