క్రిష్ ఎంత బయపడ్డారో మీరే చదవండి..!

తెలుగు చిత్ర పరిశ్రమలోని హీరోల మధ్య స్నేహం ఉన్నప్పటికీ వారి అభిమానుల మధ్య వైరం ఉంది. అందువల్ల ఒక హీరో గురించి పొగిడినప్పటికీ మరో హీరో అభిమానులు చుక్కలు చూపిస్తున్నారు. సామాన్యుడికైనా, గొప్ప టెక్నీషియన్లకైనా ఆ తిప్పలు తప్పడం లేదు. ఈ అనుభవం క్రిష్ కి  ‘గౌతమీపుత్ర శాతకర్ణి’ సమయంలో ఎదురైంది. ఈ సినిమా ఆడియో వేడుకలో క్రిష్ ఆనందంలో చెప్పిన ‘ఖబడ్దార్’ అనే మాట చిక్కులు తెచ్చిపెట్టింది. తమ సినిమాకు పోటీగా వస్తున్న ‘ఖైదీ నెంబర్ 150’ని ఉద్దేశించి క్రిష్ ఆ వ్యాఖ్యలు చేశాడంటూ ప్రచారం జరగడంతో క్రిష్‌ వివాదంలో ఇరుక్కున్నారు. తనే స్వయంగా ఆమాటపై వివరణ ఇచ్చి పరిస్థితిని చక్కదిద్దారు. ఆ ప్రభావం క్రిష్ మీద ఇంకా తగ్గినట్లు లేదు.

తాజాగా ఐఫా అవార్డుల వేడుకకు భార్యతో కలిసి హాజరైన క్రిష్ మాటల్లో ఆ ప్రభావం స్పష్టంగా తెలిసింది.  క్రిష్ భార్య రమ్యను మీకు నచ్చిన దర్శకుడెవరు అని యాంకర్ అడిగితే.. ఆమె క్రిష్ అని చెప్పింది. ఆ తర్వాత ఆమెను మీకు నచ్చిన హీరో ఎవరు అని అడిగితే.. అప్పుడు క్రిష్ జోక్యం చేసుకుని ‘నేనే’ అన్నారు. ఆశ్చర్యం తో చూస్తున్న యాంకర్  ని చూసి ఓ నవ్వు నవ్వి.. ” నిజానికి రమ్యకు ఇద్దరు ముగ్గురు హీరోలంటే ఇష్టం. కానీ వాళ్ల పేర్లు చెబితే.. మిగతా హీరోలు కొడతారేమోనని భయం. అందుకే వాళ్ల పేర్లు చెప్పనివ్వట్లేదు” అని క్రిష్ చమత్కరించారు. ఈ మాటలను బట్టి హీరోల అభిమానులంటే ఈ డైరక్టర్ కి ఎంత భయమో తెలుస్తోంది.

Also, do SUBSCRIBE to our YouTube channel to get latest Tollywood updates.