టాలీవుడ్ స్టార్ హీరోలలో ఒకరైన మహేశ్ బాబు నటించిన గుంటూరు కారం రిలీజ్ కు కేవలం కొన్ని గంటల సమయం మాత్రమే ఉంది. మరో 12 గంటల్లో ఈ సినిమా ఫలితం తేలిపోనుంది. అయితే యూఎస్ మార్కెట్ లో ఈ సినిమా సంచలన రికార్డ్ ను సొంతం చేసుకుంది. తాజాగా విడుదలైన గుంటూరు కారం మూవీ మేకింగ్ వీడియోకు సైతం అదిరిపోయే రెస్పాన్స్ వచ్చింది. ఓవర్సీస్ లో గుంటూరు కారం అడ్వాన్స్ బుకింగ్స్ ద్వారా మిలియన్ డాలర్ల కలెక్షన్లను సొంతం చేసుకోవడం గమనార్హం.
ఒక్క షో కూడా ప్రదర్శితం కాకుండానే గుంటూరు కారం సినిమా ఖాతాలో అరుదైన రికార్డ్ చేరడం ఫ్యాన్స్ కు సైతం సంతోషాన్ని కలిగిస్తోంది. ఓవర్సీస్ లో ఈ సినిమాను ప్రత్యంగిరా సినిమాస్ రిలీజ్ చేస్తుండగా ఆ సంస్థ సోషల్ మీడియా వేదికగా ఈ విషయాలను ప్రకటించింది. ఓవర్సీస్ మార్కెట్ లో మహేశ్ బాబుకు తిరుగులేదని ఈ సినిమాతో మరోసారి ప్రూవ్ అయిందని నెటిజన్ల నుంచి అభిప్రాయాలు వ్యక్తమవుతున్నాయి.
గుంటూరు కారం సినిమాలో శ్రీలీల మెయిన్ హీరోయిన్ గా నటించగా మీనాక్షి చౌదరి గెస్ట్ రోల్ లో నటిస్తున్నారు. నైజాంలో దిల్ రాజు ఈ సినిమాను రిలీజ్ చేస్తున్న నేపథ్యంలో ఈ సినిమాకు మంచి థియేటర్లు దక్కాయి. గుంటూరు కారం ఫస్ట్ డే కలెక్షన్లు కూడా భారీ స్థాయిలో ఉండే ఛాన్స్ అయితే ఉంది. గుంటూరు కారం మూవీలో యాక్షన్ సీన్స్ కూడా వేరే లెవెల్ లో ఉన్నాయని తెలుస్తోంది.
సంక్రాంతి కానుకగా రిలీజవుతున్న అన్ని సినిమాలు సక్సెస్ సాధించి నిర్మాతలకు మంచి లాభాలను అందించాలని ఫ్యాన్స్ ఫీలవుతున్నారు. సంక్రాంతికి రిలీజ్ కానున్న అన్ని సినిమాలకు బుకింగ్స్ ఇప్పటికే మొదలయ్యాయి. గుంటూరు కారం సినిమాకు టికెట్ రేట్ల పెంపు కలిసొస్తుందని కామెంట్లు వినిపిస్తున్నాయి. గుంటూరు కారం సినిమాతో మహేష్ బాబు (Mahesh Babu) ఫస్ట్ డే కలెక్షన్ల విషయంలో రికార్డులు క్రియేట్ చేస్తారని ఫ్యాన్స్ భావిస్తున్నారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
