Mahesh Babu: వైరల్ అవుతున్న మహేష్ బాబు ఓల్డ్ ట్వీట్!

భారీ అంచనాలతో రికార్డు స్థాయి థియేటర్లలో తాజాగా పుష్ప ది రైజ్ విడుదలైంది. బన్నీ అభిమానులకు ఈ సినిమా నచ్చినా సాధారణ ప్రేక్షకులకు మాత్రం ఈ సినిమా నచ్చలేదు. అంచనాలకు భిన్నంగా పుష్ప సినిమా ఉండటం బన్నీ అభిమానులను తీవ్రస్థాయిలో నిరాశపరుస్తోంది. అయితే ఈ సినిమాలో బన్నీ నటనకు అవార్డులు ఇవ్వాలని నెటిజన్లు కామెంట్లు చేస్తున్నారు. రివ్యూలు పాజిటివ్ గా రాకపోవడంతో పాటు పబ్లిక్ టాక్ కూడా అలానే ఉంది.

టాక్ తో సంబంధం లేకుండా అఖండ కలెక్షన్లను సాధించగా పుష్పకు తొలిరోజు రికార్డు స్థాయిలో కలెక్షన్లు వచ్చినా వీకెండ్ తర్వాత ఈ సినిమా కలెక్షన్లు డ్రాప్ అయ్యే ఛాన్స్ అయితే ఉందని చెప్పవచ్చు. మరోవైపు ఈ సినిమా బీజీఎం విషయంలో, సౌండింగ్ విషయంలో నెగిటివ్ కామెంట్లు వినిపిస్తున్నాయి. సౌండ్ మిక్సింగ్ లో లోపాలు ఉన్నాయని ప్రేక్షకులలో చాలామంది అభిప్రాయపడుతున్నారు. అయితే మరోవైపు పుష్ప కథపై మహేష్ జడ్జిమెంట్ నిజమేనని చాలామంది కామెంట్లు చేస్తున్నారు.

గతంలో మహేష్ బాబు చేసిన ట్వీట్ ను వైరల్ చేస్తూ ఆ విషయాన్ని గుర్తు చేస్తున్నారు. పుష్ప విషయంలో మహేష్ బాబు ఆలోచనలు నిజమయ్యాయని నెటిజన్లు కామెంట్లు చేస్తున్నారు. పుష్పరాజ్ పాత్రలో మహేష్ నటించకపోవడం వల్ల మహేష్ కు మంచి జరిగిందని నెటిజన్లు అభిప్రాయపడుతున్నారు. ఈ సినిమా వల్ల మైత్రీ మూవీ మేకర్స్ కు భారీ స్థాయిలో నష్టాలు తప్పవని తెలుస్తోంది. బన్నీ మార్కెట్ కు మించి ఖర్చు చేయడం కూడా ఈ సినిమాకు మైనస్ అయిందని చెప్పవచ్చు.

భారీ బడ్జెట్ తో తెరకెక్కిన ఈ సినిమా ఆ స్థాయిలో కలెక్షన్లను సాధించడం తేలికైన విషయం కాదు. పుష్ప ది రైజ్ ఫ్లాప్ ప్రభావం సుకుమార్ కెరీర్ పై కూడా పడే అవకాశం అయితే ఉందని చెప్పవచ్చు. మరోవైపు ఈ సినిమాలో రష్మిక, సునీల్ పాత్రల గురించి కూడా నెగిటివ్ కామెంట్లు వినిపిస్తున్నాయి. విలన్ గా సునీల్ ను ఎంపిక చేసి సుకుమార్ తప్పు చేశారని నెటిజన్లు అభిప్రాయపడుతున్నారు.

పుష్ప: ది రైజ్ సినిమా రివ్యూ & రేటింగ్!

Most Recommended Video

‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!