Mahesh Babu, Rajamouli: రూ.1000 కోట్ల బడ్జెట్ కోసం.. రాజమౌళి మామూలోడు కాదు!

మహేష్ బాబు (Mahesh Babu) – ఎస్ ఎస్ రాజమౌళి (SS Rajamouli) కలయికలో ఓ భారీ బడ్జెట్ సినిమా రూపొందనున్న సంగతి తెలిసిందే. అయితే ఈ ప్రాజెక్టుని ఇంకా అధికారికంగా ప్రకటించలేదు. కానీ మరోపక్క ప్రీ ప్రొడక్షన్ వర్క్ ముమ్మరంగా జరుగుతుంది. ముంబైలో రాజమౌళి నటీనటుల ఎంపిక నిర్వహిస్తున్నారు.అలాగే టెస్ట్ షూట్స్ కూడా జరుగుతున్నట్లు సమాచారం. ‘శ్రీ దుర్గా ఆర్ట్స్’ బ్యానర్ పై కె.ఎల్.నారాయణ్ (K.L.Narayana) ఈ చిత్రాన్ని నిర్మించబోతున్నారు. ‘పోకిరి’ (Pokiri) టైంలోనే రాజమౌళి- మహేష్..ల ప్రాజెక్టుకి ఈయన అడ్వాన్స్ ఇచ్చి అగ్రిమెంట్ చేయించుకోవడం జరిగింది.

ఇప్పుడు ఆయన్ని ప్రాజెక్టు నుండి తప్పుకుంటే వందల కోట్లు ఇస్తామనే ఆఫర్లు కూడా వస్తున్నట్టు వినికిడి. ఇదిలా ఉండగా.. ఈ సినిమా అధికారిక ప్రకటన కోసం అభిమానులు వేయికళ్లతో ఎదురుచూస్తున్నారు. సూపర్ స్టార్ కృష్ణ (Krishna) గారి జయంతి రోజున అప్డేట్ ఉంటుందేమో అని ఆశపడ్డారు. కానీ ఎటువంటి అప్డేట్ రాలేదు. మరోపక్క మహేష్ బాబు పుట్టినరోజు అయిన ఆగస్టు 9న ఈ ప్రాజెక్టుకు సంబంధించిన అప్డేట్ వస్తుందేమో అని ఆశపడ్డారు. కానీ అది కూడా కష్టంగానే కనిపిస్తుంది.

ఇదిలా ఉంటే.. మహేష్- రాజమౌళి..ల ప్రాజెక్టు కోసం రూ.1000 కోట్లు బడ్జెట్ అవుతుందట. అంత మొత్తం రికవరీ చేయాలంటే కొంచెం కష్టమే. అందుకే ఈ సినిమాని రెండు పార్టులుగా రిలీజ్ చేయాలని రాజమౌళి భావిస్తున్నట్లు సమాచారం. అంతేకాదు 3వ పార్టుకి కూడా ఛాన్స్ ఉండొచ్చని ఇన్సైడ్ టాక్. ముందుగా అనౌన్స్మెంట్ కోసమైతే మరికొన్ని రోజులు ఆగాల్సిందే.