మహేష్ త్రివిక్రమ్ కాంబినేషన్ లో తెరకెక్కిన అతడు, ఖలేజా సినిమాలు భారీ అంచనాలతో విడుదలైనా ఆ అంచనాలకు తగిన స్థాయిలో కమర్షియల్ గా సక్సెస్ ను సొంతం చేసుకోలేకపోయాయి. అయితే ఈ కాంబినేషన్ లో తెరకెక్కే మూడో సినిమా కచ్చితంగా సక్సెస్ సాధించేలా అటు మహేష్ ఇటు త్రివిక్రమ్ శ్రీనివాస్ జాగ్రత్తలు తీసుకుంటున్నారు. ఈ సినిమాలో మహేష్ బాబు సాఫ్ట్ వేర్ ఉద్యోగిగా కనిపించనున్నారని తెలుస్తోంది. త్రివిక్రమ్ ఈ సినిమాను క్లాస్ సినిమాగానే తెరకెక్కిస్తారని అయితే ఈ సినిమాలో మాస్ ప్రేక్షకులకు నచ్చే అంశాలు కూడా ఉంటాయని కామెంట్లు వ్యక్తమవుతూ ఉండటం గమనార్హం.
ఇప్పటికే ఈ సినిమాకు సంబంధించి ఒక షెడ్యూల్ పూర్తైంది. మహేష్ తొలిసారి సాఫ్ట్ వేర్ ఇంజనీర్ పాత్రలో కనిపిస్తుండటంతో మహేష్ బాబు అభిమానులు సైతం సంతోషిస్తున్నారు. మహేష్ కు జోడీగా ఈ సినిమాలో పూజా హెగ్డే నటిస్తున్నారు. ఈ సినిమాకు అయోధ్యలో అర్జునుడు అనే టైటిల్ ను పరిశీలిస్తున్నారని కామెంట్లు వ్యక్తమవుతున్నాయి. మరో పది రోజుల తర్వాత ఈ సినిమా రెండో షెడ్యూల్ మొదలుకానుందని తెలుస్తోంది. ఈ సినిమాలో ఎమోషనల్ సీన్స్ కు కూడా ప్రాధాన్యత ఉంటుందని బోగట్టా.
మహేష్ త్రివిక్రమ్ కాంబో మూవీ హారిక హాసిని క్రియేషన్స్ బ్యానర్ పై భారీ బడ్జెట్ తో తెరకెక్కుతోంది. 150 కోట్ల రూపాయలకు పైగా బడ్జెట్ తో ఈ సినిమా తెరకెక్కుతుండటం గమనార్హం. వచ్చే ఏడాది సమ్మర్ కానుకగా ఈ సినిమా థియేటర్లలో విడుదలవుతోంది. ఈ సినిమా నెక్స్ట్ లెవెల్ లో ఉండేలా త్రివిక్రమ్ శ్రీనివాస్ జాగ్రత్తలు తీసుకుంటున్నారని బోగట్టా. ఇతర భాషల నటీనటులకు సైతం ఈ సినిమాలో ప్రాధాన్యత ఇస్తున్నారని సమాచారం అందుతోంది.
త్రివిక్రమ్ శ్రీనివాస్ ఈ సినిమా తర్వాత తెరకెక్కించే ప్రాజెక్ట్ లకు సంబంధించి క్లారిటీ రావాల్సి ఉంది. సినిమాసినిమాకు త్రివిక్రమ్ శ్రీనివాస్ మార్కెట్ అంతకంతకూ పెరుగుతోంది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
