టాలీవుడ్ సూపర్ స్టార్ మహేష్ బాబు ఈ సమ్మర్ కి ‘మహర్షి’ చిత్రంతో హిట్టు కొట్టాడు. ఈ చిత్రంతో తన కెరీర్లో మొదటిసారి 100 కోట్ల షేర్ చిత్రాన్ని అందుకున్నాడు. ఇది మహేష్ కు 25 వ చిత్రం. ఇదిలా ఉండగా తన 26 వ చిత్రాన్ని అనిల్ రావిపూడి డైరెక్షన్లో చేయబోతున్న సంగతి తెలిసిందే. ‘సరిలేరు నీకెవ్వరు’ అనే టైటిల్ తో తెరకెక్కబోతున్న ఈ చిత్రం… మిలిటరీ మరియు రాయలసీమ బ్యాక్ డ్రాప్ లో తెరకెక్కనుంది. దిల్ రాజు, రామబ్రహ్మం సుంకర కలిసి నిర్మిస్తున్న ఈ చిత్రానికి మహేష్ బాబు కూడ ఓ నిర్మాతగా వ్యవహరిస్తున్నాడు.
ఇదిలా ఉండగా.. కొత్త కథలతో చాలా ప్రయోగాలు చేసే మహేష్ బాబు తన లుక్ విషయంలో మాత్రం పెద్దగా ప్రయోగాలు చేయడు. మహేష్ కొత్త లుక్ లో కనబడితే బాగుంటుందని మహేష్ అభిమానులు కూడా కోరుకుంటున్నారు. ‘మహర్షి’ చిత్రంలో మూడు డిఫరెంట్ లుక్స్ తో కనిపించి అభిమానులను ఖుషీ ఆకట్టుకున్నాడు. ఇప్పుడు ‘సరిలేరు నీకెవ్వరు’ చిత్రం కోసం మహేష్ మరో సరికొత్త గెటప్ లో కనిపించబోతున్నాడట. ఆర్మీ నుండీ రాయలసీమకు వచ్చిన యువకుడి పాత్రలో మహేష్ ఈ చిత్రంలో కనిపిస్తాడు కాబట్టి … ఆ పాత్రకు తగ్గట్టుగా బాడీ లాంగ్వేజ్ ను అలాగే లుక్ ను మార్చుకోవాలని చూస్తున్నాడట. కోర మీసాలతో కనిపించేలా అనిల్ మహేష్ లుక్ ను సిద్ధం చేస్తున్నాడట. అంతేకాదు మిలిటరీ కటింగ్ తో కూడా కనిపించబోతున్నాడని సమాచారం. మరి ఈ కొత్త లుక్ తో మహేష్ ఎంతవరకూ ఆకట్టుకుంటాడో చూడాలి.
Home