టాలీవుడ్ స్టార్ హీరోలలో ఒకరైన ప్రభాస్ (Prabhas) కన్నప్ప (Kannappa) సినిమాలో నందీశ్వరుడి పాత్రలో కనిపించనున్నారనే సంగతి తెలిసిందే. ఈ సినిమా కోసం ప్రభాస్ రెమ్యునరేషన్ కూడా తీసుకోవడం లేదు. అయితే ప్రభాస్ ఈ సినిమాలో ఒకే ఒక్క సన్నివేశంలో కనిపిస్తారు కానీ ఆ సన్నివేశం నెక్స్ట్ లెవెల్ లో ఉంటుందని ప్రభాస్ పాత్రను అద్భుతంగా ఎలివేట్ చేసే విధంగా ప్లాన్ చేశారని సమాచారం అందుతోంది. కన్నప్పలో ప్రభాస్ సీన్ ను మేకర్స్ ఆ రేంజ్ లో ప్లాన్ చేశారని తెలిసి ప్రభాస్ ఫ్యాన్స్ సైతం సంతోషిస్తున్నారు.
ప్రభాస్ ఈ సినిమా కోసం 3 నుంచి 4 రోజుల డేట్స్ కేటాయించారని భోగట్టా. ప్రభాస్ నటిస్తున్న కల్కి(Kalki 2898 AD), కన్నప్ప సినిమాలు కొన్ని వారాల గ్యాప్ లో రిలీజ్ కానుండటం ఫ్యాన్స్ కు ఎంతో సంతోషాన్ని కలిగిస్తోంది. క్యాస్టింగ్ తోనే కన్నప్ప సినిమాపై అంచనాలు అంతకంతకూ పెరుగుతున్నాయి. ఈ సినిమా బిజినెస్ పరంగా కూడా సంచలనాలు సృష్టించడం ఖాయమని కామెంట్లు వ్యక్తమవుతూ ఉండటం గమనార్హం. కన్నప్ప సినిమాలో అక్షయ్ కుమార్ శివుడి రోల్ లో కనిపించనున్నారు.
ఈ సినిమాలో విజువల్ ఎఫెక్స్ట్స్ కు ఎక్కువగానే ప్రాధాన్యత ఉండనుందని తెలుస్తోంది. త్వరలో ప్రభాస్ రాజాసాబ్ (The Rajasaab), సలార్2 (Salaar) షూటింగ్ లలో పాల్గొననున్నారని సమాచారం అందుతోంది. కన్నప్ప మూవీ 130 నుంచి 150 కోట్ల రూపాయల బడ్జెట్ తో తెరకెక్కుతోందని తెలుస్తోంది. ఈ సినిమా ప్రమోషన్స్ కోసం ఒకింత భారీ స్థాయిలోనే ఖర్చు చేస్తున్నారని సమాచారం అందుతోంది.
కన్నప్ప సినిమాతో విష్ణు భారీ బ్లాక్ బస్టర్ హిట్ ను కచ్చితంగా సొంతం చేసుకోవాల్సి ఉంది. కన్నప్ప సినిమాలో కథ, కథనం అద్భుతంగా ఉండనున్నాయని సమాచారం అందుతోంది. త్వరలో ఈ సినిమా నుంచి మరిన్ని క్రేజీ అప్ డేట్స్ రానున్నాయని భోగట్టా. కన్నప్ప బాక్సాఫీస్ ను ఏ రేంజ్ లో షేక్ చేస్తుందో చూడాల్సి ఉంది.
