ఏదైనా సినిమా హిట్ అయ్యాక అందులో హీరోయిన్కు ఓవర్నైట్ ఫేమ్ రావడం సహజం. కొంతమంది హీరోయిన్లు సినిమా విజయం సాధించిన కొన్ని రోజుల తర్వాత జోరు మొదలుపెడతారు. అలాంటివారిలో మాళవిక మోహనన్ ఒకరు. ఎప్పుడో ఎనిమిదేళ్ల క్రితం ‘పట్టం పోలే’ అనే మలయాళ సినిమాతో ఎంట్రీ ఇచ్చిన మాళవిక మోహనన్ తర్వాత చాలా సినిమాలు చేసింది. అయితే మనవాళ్ల దృష్టిలో పడింది మాత్రం ‘మాస్టర్’తోనే. ఆ సినిమా వచ్చి ఐదు నెలల తర్వాత ఇప్పుడు మాళవికకు తెలుగులో అవకాశాలు వస్తున్నాయి.
‘మాస్టర్’లో మాళవిక కనిపించిన తక్కువ సన్నివేశాలే అయినా… లుక్ వైజ్గా ఆకట్టుకుంది. దీంతో మన దర్శకులు ఈ భామ, మన హీరో పక్కన బాగుంటుందే అనుకున్నారు. ఆ సినిమా తర్వాత మాళవికలో గ్లామర్ను బయటపెట్టింది. ఆ మధ్య జలపాతం దగ్గర ఆకుపచ్చ రంగు చీరతో ఆమె ఇచ్చిన పోజులకు కుర్రకారు ఫ్లాట్ అయిపోయారు. ఆ తర్వాత అవకాశాల రాక వేగం అందుకుంది. ప్రస్తుతం మాళవికకు రెండు పెద్ద తెలుగు సినిమా అవకాశాలు స్టార్ట్ అయ్యాయి.
రామ్చరణ్ – శంకర్ కాంబినేషన్లో దిల్ రాజు ఓ సినిమా నిర్మిస్తున్న విషయం తెలిసిందే. ఈ సినిమాలో ఓ నాయికగా మాళవిక మోహనన్ను ఎంచుకున్నట్లు వార్తలొస్తున్నాయి. మరోవైపు మహేష్ – త్రివిక్రమ్ సినిమాలోనూ ఓ నాయికగా మాళవికను ఎంపిక చేయాలని చిత్రబృందం చూస్తోందట. దీంతో టాలీవుడ్లో మాళవిక మేనియా స్టార్ట్ అయినట్లే అని అనుకుంటున్నారు. ఇక్కడి నుండి ఆమె చక్కగా ప్లాన్ చేసుకుంటే టాలీవుడ్ను కొన్నాళ్లపాటు ఏలేయొచ్చు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
