Manchu Family: ప్రధానికి శుభాకాంక్షలు తెలిపిన మోహన్ బాబు, విష్ణు, లక్ష్మి!

September 17, 2022 / 02:17 PM ISTByFilmy Focus

Join Us

Manchu Family: ప్రధానికి శుభాకాంక్షలు తెలిపిన మోహన్ బాబు, విష్ణు, లక్ష్మి!

భారత ప్రధాని నరేంద్ర మోడీని 72వ పుట్టినరోజు వేడుకలను జరుపుకుంటున్నారు. ఈ క్రమంలోని పెద్ద ఎత్తున ఈయనకు రాజకీయ నాయకులు అభిమానులు సోషల్ మీడియా వేదికగా పుట్టినరోజు శుభాకాంక్షలు తెలియజేస్తున్నారు. ఇకపోతే సినీ పరిశ్రమలు ఎంతో మంచి పేరు సంపాదించుకున్నటువంటి మంచు కుటుంబ సభ్యులు అయినటువంటి మోహన్ బాబు, మా ప్రెసిడెంట్ మంచు విష్ణు, మంచు లక్ష్మీ ప్రసన్న సోషల్ మీడియా వేదికగా ప్రధానమంత్రి నరేంద్ర మోడీకి పుట్టినరోజు శుభాకాంక్షలు తెలియజేశారు.

ఈ సందర్భంగా మోహన్ బాబు సోషల్ మీడియా వేదికగా నరేంద్ర మోడీతో దిగినటువంటి ఫోటోని షేర్ చేస్తూ ఆయనకు పుట్టినరోజు శుభాకాంక్షలు తెలియజేశారు.భారత ప్రధాని నరేంద్ర మోడీకి పుట్టిన రోజు శుభాకాంక్షలు మీరు ఇలాంటి పుట్టినరోజులు మరెన్నో జరుపుకోవాలని కోరుకుంటున్నాను. రాజకీయాలలో మీ అనుభవ సంపద ఎన్నోసార్లు మమ్మల్ని సానుకూలంగా ప్రభావితం చేయడమే కాకుండా దేశం గర్వించేలా మీ పాలన ఉందని, మీకు దీర్ఘ యుతో పాటు మంచి ఆరోగ్యం శ్రేయస్సు కలగాలని కోరుకుంటున్నా అంటూ మోహన్ బాబు ప్రధానమంత్రికి శుభాకాంక్షలు తెలియజేశారు.

అనంతరం మా ప్రెసిడెంట్ నటుడు మంచు విష్ణు సోషల్ మీడియా వేదికగా ప్రధానమంత్రి నరేంద్ర మోడీతో దిగిన ఫోటోని షేర్ చేస్తూ గొప్ప నాయకులలో ఒకరైన నరేంద్ర మోడీ గారికి పుట్టినరోజు శుభాకాంక్షలు. ప్రధానమంత్రి గారు ఇలాంటి పుట్టినరోజులు మరెన్నో జరుపుకోవాలని ఎంతో ఆరోగ్యంగానూ,సంతోషంగా ఉండాలని భగవంతుని ప్రార్థిస్తూ మరోసారి ఆయనకు పుట్టినరోజు శుభాకాంక్షలు తెలియజేస్తున్నట్లు ఈయన సోషల్ మీడియా వేదికగా వెల్లడించారు. ఇక మోహన్ బాబు వారసురాలిగా ఇండస్ట్రీలో కొనసాగుతున్నటువంటి మంచు లక్ష్మీ ప్రసన్న సైతం ప్రధానమంత్రి కి పుట్టినరోజు శుభాకాంక్షలు తెలిపారు.

ఇలా మంచు ఫ్యామిలీ మొత్తం నరేంద్ర మోడీకి పుట్టినరోజు శుభాకాంక్షలు తెలియజేయడంతో మరోసారి ఆంధ్రప్రదేశ్ రాష్ట్ర రాజకీయాలలో చర్చలు మొదలయ్యాయి. గతంలో టిడిపికి మద్దతు తెలిపిన మోహన్ బాబు అనంతరం జగన్ ప్రభుత్వానికి మద్దతు పలికారు. ప్రస్తుతం ఈయన పలుమార్లు బీజెపీ ప్రభుత్వంపై ప్రశంసలు కురిపించడమే కాకుండా నేడు ప్రధానికి పుట్టినరోజు శుభాకాంక్షలు తెలియడంతో ఏపీ రాజకీయాలలో మరోసారి చర్చలు మొదలయ్యాయి.