దీపికా (Deepika Padukone) – సందీప్ (Sandeep Reddy Vanga) ..ల వివాదం అందరికీ తెలిసిందే. ‘స్పిరిట్’ (Spirit) విషయంలో దీపికాని తప్పించి త్రిప్తి దిమిరిని (Tripti Dimri) తీసుకోవడంపై బాలీవుడ్ పీఆర్ మాఫియా గోల పెట్టేస్తుంది. ఈ అంశంపై తాజాగా మణిరత్నం (Mani Ratnam) కూడా స్పందించడం జరిగింది. అయితే ఈయన సందీప్ కి వ్యతిరేకంగా స్టేట్మెంట్ ఇవ్వడం కొందరికి నచ్చలేదు. అతను మాట్లాడుతూ.. “ఆమె డిమాండ్ల విషయంలో ఎటువంటి తప్పు లేదనేది నా అభిప్రాయం. అలాంటి డిమాండ్లు చేసే స్థాయిలో ఉండటం అనేది చిన్న విషయం కాదు.
అందుకు నేను సంతోషపడుతున్నాను. ఒక నిర్మాతగా, నటీనటులను ఎంపిక చేసుకునే ప్రక్రియలో కొన్ని నియమాలు పాటించాలి. అన్నిటినీ పరిగణలోకి తీసుకోవాలి.చిత్ర పరిశ్రమలో కొన్ని వృత్తిపరమైన సరిహద్దులు కూడా ఉండాలి. ఫిల్మ్మేకర్స్ అలాంటి అవసరాలను గుర్తించి, అర్థం చేసుకుని, వాటికి అనుగుణంగా పని చేయడం మంచిది” అంటూ హితవు పలికారు మణిరత్నం.ఇక అజయ్ దేవగన్ వంటి స్టార్స్ కూడా ‘తల్లిగా ఉంటూ 8 గంటలు పనిచేయడం అనేది కష్టం’ అంటూ చెప్పడం జరిగింది.
ఇక్కడ ‘దీపికపై వీరంతా జాలితో ఇలా స్పందిస్తున్నారు అనడానికి లేదు’ అని..! సందీప్ ఎదుగుదలని అక్కడ చాలా మంది ఓర్వలేకపోతున్నారు అనేది ఓ సెక్షన్ ఆఫ్ బాలీవుడ్ మీడియా టాక్. మణిరత్నం కూడా.. ఇందుకు మినహాయింపు కాదని..! సెట్స్ లో మణిరత్నం ఎలా ఉంటారో చాలా మంది స్టార్స్ కంప్లైంట్ చేసిన సందర్భాలు ఉన్నాయి.
పైగా 8 గంటల పని అనే పద్ధతిని ఎక్కువగా ఫాలో అయ్యేది మణిరత్నమే. నటీనటులతో ఆయన 10 గంటల పైనే పని చేయించుకుంటారు. ఐశ్వర్య రాయ్ విషయంలో మణిరత్నం చేసింది ఇదే. మరి దీపిక పై మాత్రం అంత జాలి ఎలా చూపిస్తున్నారు. కేవలం ఇది సందీప్ రెడ్డి వంగాని టార్గెట్ చేయడానికి, కార్నర్ చేయడానికి మాత్రమే దీపిక పై జాలి చూపిస్తున్నట్టు అనిపించక మానదు.
