THE RAJA SAAB: ఇన్ డైరెక్ట్ సెటైర్.. ఎన్టీఆర్ ఫ్యాన్స్ కు మారుతి క్షమాపణ!

అనుకోకుండా ఇదైనా మాట అంటే వెనక్కి తీసుకోలేం అంటారు. కానీ ఆ మాట వల్ల అనవసరమైన గొడవ అవుతుందంటే వెంటనే సారీ చెప్పడమే సంస్కారం. దర్శకుడు మారుతి సరిగ్గా ఇదే చేశారు. ‘రాజా సాబ్’ ఈవెంట్‌లో ఆయన అన్న ఒక చిన్న మాట ఎన్టీఆర్ అభిమానుల ఆగ్రహానికి కారణమైంది. సోషల్ మీడియాలో వార్ మొదలవ్వకముందే, మారుతి రియలైజ్ అయ్యి వివాదానికి ఫుల్ స్టాప్ పెట్టేశారు.

THE RAJA SAAB

అసలు మ్యాటర్ ఏంటంటే.. ఈవెంట్ జోష్‌లో మారుతి మాట్లాడుతూ “మీరు కాలర్ ఎగరేసుకోమని నేను చెప్పను.. ఎందుకంటే ప్రభాస్ కటౌట్ ముందు అదొక చిన్న మాట” అనే అర్థంలో వ్యాఖ్యానించారు. అయితే ఎన్టీఆర్ తరచుగా తన ఫ్యాన్స్‌తో “కాలర్ ఎగరేసుకునే సినిమా ఇస్తా” అని చెబుతుంటారు. దీంతో మారుతి కావాలనే ఎన్టీఆర్‌కి కౌంటర్ వేశారని, ఇన్ డైరెక్ట్ సెటైర్ వేశారని ఫ్యాన్స్ ఫీల్ అయ్యారు. ట్విట్టర్‌లో మారుతిని టార్గెట్ చేస్తూ ట్రోల్ చేయడం మొదలుపెట్టారు.

ఈ విషయం మారుతి దృష్టికి వెళ్లగానే, ఆయన ఏమాత్రం ఇగోకి పోకుండా వెంటనే స్పందించారు. “నా మాటలను దయచేసి తప్పుగా అర్థం చేసుకోవద్దు. నేను ఎవరినీ కించపరచాలనే ఉద్దేశంతో ఆ మాట అనలేదు. కేవలం ఫ్లోలో వచ్చింది మాత్రమే” అని క్లారిటీ ఇచ్చారు. అంతేకాదు, ఆ మాటల వల్ల ఎవరైనా హర్ట్ అయ్యి ఉంటే మనస్ఫూర్తిగా క్షమాపణలు కోరుతున్నానంటూ చాలా హుందాగా వ్యవహరించారు.

తారక్ అంటే తనకు ఎంత అభిమానమో, గౌరవమో మారుతి ఈ సందర్భంగా గుర్తు చేశారు. ఎన్టీఆర్ ఫ్యాన్స్ ఎమోషన్‌ని తాను ఎప్పుడూ గౌరవిస్తానని, దయచేసి దీనికి లేనిపోని అర్థాలు తీయొద్దని కోరారు. నిజానికి ఇండస్ట్రీలో మారుతికి అందరి హీరోలతో మంచి రిలేషన్ ఉంది. ఎన్టీఆర్‌తో కూడా ఆయనకు మంచి బాండింగ్ ఉంది. కాబట్టి కావాలని సెటైర్లు వేసే ప్రసక్తే ఉండదని సినీ జనాలు కూడా అంటున్నారు.

మొత్తానికి మారుతి సకాలంలో స్పందించడంతో ఒక పెద్ద ఫ్యాన్ వార్ తప్పింది. తప్పు జరగకపోయినా, ఎదుటివారి మనోభావాలను గౌరవించి సారీ చెప్పడం మారుతి మంచి మనసును చాటుకుంది. క్షమాపణ చెప్పడం వల్ల మనిషి స్థాయి పెరుగుతుంది తప్ప తగ్గదు అని ఆయన నిరూపించారు. ఇక ఈ ‘కాలర్’ వివాదాన్ని ఇక్కడితో వదిలేసి, రాబోయే పండగను ఎంజాయ్ చేయడమే బెటర్.