సినిమా రీమేక్ అంటే ఆ మజానే వేరు. ప్రజెంట్ స్వింగ్లో ఉన్న స్టార్ హీరో చేసిన సినిమా రీమేక్ చేసే అవకాశం వస్తే, అది కాక మెగాస్టార్ చిరంజీవి సినిమానే రీమేక్ చేసే అవకాశం వస్తే ఎవరు వద్దునుకుంటారు చెప్పండి. ఒక్క మాట ఎదురు చెప్పకుండా ఒప్పేసుకునే అవకాశం ఉంది. అంత పెద్ద సినిమా చేయడం ఎందుకు రిస్క్ అనుకునే అవకాశమూ ఉంది. చిరంజీవవే ముందుకొచ్చి నా సినిమా రీమేక్లో ఈ హీరో అయితే బాగుంటుందని చెబితే… సూపర్ ఉంటుంది కదా.
ఇలాంటి సూపర్ సీన్కి ‘ఆహా’ వేదిక కాబోతోంది. క్రిస్మస్ సందర్భంగా ‘ఆహా’లో ప్రసారం కాబోతున్న ‘సామ్జామ్’లో ఈ సన్నివేశం చూడొచ్చు. ‘సామ్జామ్’ చిరంజీవి ఎపిసోడ్లో వైవా హర్ష కాసేపు సందడి చేయనున్నాడు. కాసేపు ప్రశ్నలు వేసి, చిరంజీవి నుంచి ఆసక్తికర సమాధానాలు రాబట్టే ప్రయత్నం కూడా చేశాడు. ‘మీకొక చిన్న ఛాలెంజ్ సార్.. మీరు ఎన్నో హిట్ సినిమాలు చేశారు.. ఒకవేళ ఆ సినిమాలు రీమేక్ చేయాలంటే మీ పాత్రను ఎవరు బాగా నటించగలరు?’ అంటూ హర్ష ప్రశ్న వేశాడు.
దానికి చిరంజీవి భలే స్పీడుగా సమాధానాలు చెప్పేశాడు. ‘చరణ్, తారక్, ప్రభాస్, బన్నీ, రవితేజ, విజయ దేవరకొండ, మహేశ్బాబు, పవన్ కల్యాణ్’ అంటూ టకటకా సమాధానాలు చెప్పాడు. అయితే ఏ సినిమాకు ఏ హీరో పేరు చెప్పాడు అనేది మాత్రం ఎపిసోడ్లో చూడాల్సిందే. మొన్న ‘ఫ్రిడ్జ్లో ఏముంటాయి’ అనే ప్రశ్నకు కవ్వించే సమాధానం ఇచ్చిన చిరంజీవి, ఇప్పుడు ‘రీమేక్ హీరో’ ప్రశ్నకు ఇంట్రెస్టింగ్ సమాధానాలిచ్చాడు. ఇంకా ఈ కార్యక్రమంలో సమంత ఇంకేం ప్రశ్నలు వేస్తుందో, చిరంజీవి ఏ సమాధానాలిస్తాడు చూడాలి.
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
