తెలంగాణ మంత్రి విద్యాసంస్థల అధినేత మల్లారెడ్డి గత కొంతకాలంగా పెద్ద ఎత్తున వార్తల్లో నిలుస్తున్నారు. ఈ మధ్యకాలంలో సినిమా ఈవెంట్లకు ముఖ్యఅతిథిగా హాజరవుతున్న మల్లారెడ్డి తన మాటతీరుతో పెద్ద ఎత్తున అభిమానులను సందడి చేస్తున్నారు.కొద్దిరోజుల క్రితం కష్టపడి సినిమా ప్రమోషన్లలో పాల్గొన్నటువంటి మల్లారెడ్డి నాగచైతన్య చేతిని తన చేతికి తీసుకొని ఇక నీ జాతకం మారిపోతుంది పో అంటూ కామెంట్లు చేసిన విషయం మనకు తెలిసిందే. తాజాగా సీఎంఆర్ కాలేజ్ వార్షికోత్సవ కార్యక్రమానికి నాగచైతన్య ముఖ్య అతిథిగా హాజరయ్యారు.
అయితే ఈ కార్యక్రమంలో భాగంగా మంత్రి మల్లారెడ్డి (Malla Reddy) నాగచైతన్య ముందు చేసినటువంటి కొన్ని కామెంట్స్ వైరల్ అవుతున్నాయి. మామూలుగా పరీక్ష సమయంలో పిల్లలు సినిమాలు టీవీలు చూడకుండా చదువుపై దృష్టి పెట్టాలని ఎవరైనా చెబుతారు అయితే దాదాపు 13కాలేజీలకు అధిపతి అయినటువంటి మల్లారెడ్డి మాత్రం సినిమా చూడటానికి డుమ్మా కొట్టి వెళ్ళండి అంటూ చెప్పడం అందరిని ఆశ్చర్యానికి గురిచేస్తుంది.
నాగచైతన్య నటించిన కస్టడీ సినిమా మే 12వ తేదీ విడుదల కానున్న విషయం మనకు తెలిసిందే.ఆరోజున కస్టడీ సినిమా చూడటం కోసం అందరూ కాలేజీకి డుమ్మా కొట్టి వెళ్ళండి అంటూ ఈయన విద్యార్థులకు సలహా ఇచ్చారు.అంతేకాకుండా ఆరోజు ఏదైనా పరీక్షలు ఉంటే వాటిని వాయిదా వేసి సీఎంఆర్ విద్య సంస్థలకు బంద్ ప్రకటిస్తానని కూడా ఈయన నాగచైతన్య ముందు విద్యార్థులకు సూపర్ ఆఫర్ ఇచ్చారు.
ఇక ఇదే వేదికపై విద్యార్థులను ఉద్దేశిస్తూ తాను తన జీవితంలో పడిన ఇబ్బందులను జీవితంలో పైకి ఎదిగిన తీరును చెబుతూ పిల్లలకు ఇన్స్పిరేషన్ గా నిలిచారు. ఇలా మల్లారెడ్డి తరచూ తన వ్యాఖ్యల ద్వారా అందరిలో స్ఫూర్తిని కలిగిస్తూ చేసేటటువంటి వ్యాఖ్యలు సోషల్ మీడియాలో వైరల్ అవుతున్నాయి.కస్టడీ సినిమా విషయానికి వస్తే వెంకట్ ప్రభు దర్శకత్వంలో తెరకెక్కిన ఈ సినిమా మే 12వ తేదీ తెలుగు తమిళ భాషలలో ప్రేక్షకుల ముందుకు రానుంది. ఇక ఈ సినిమాలో నాగచైతన్యకు జోడిగా కృతి శెట్టి నటించిన సంగతి తెలిసింది.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
Home