Project K: ప్రాజెక్ట్ Kలో మరొ కీలక మార్పు?

మహానటి సినిమా అనంతరం యువ టాలెంటెడ్ దర్శకుడు నాగ్ అశ్విన్ రెబల్ స్టార్ ప్రభాస్ తో ఒక సినిమాను స్టార్ట్ చేసిన విషయం తెలిసిందే. టైమ్ ట్రావెల్ నేపథ్యంలో సైన్స్ ఫిక్షన్ సినిమాగా రాబోతున్న ఆ ప్రాజెక్ట్ K కోసం నిర్మాత సి.ఆశ్వినీ దత్ దాదాపు 500కోట్ల భారీ బడ్జెట్ తో నిర్మించే అవకాశం ఉందట. తప్పకుండా సినిమా అభిమానుల అంచనాలకు మించి ఉంటుందని చెప్పవచ్చు. 50 ఏళ్ల అనుభవం ఉన్న వైజయంతి మూవీస్ లో ప్రాజెక్ట్ K ఒక సరికొత్త రికార్డును క్రియేట్ చేస్తుందని ఇదివరకే సి. ఆశ్వినీ దత్ క్లారిటీ ఇచ్చారు.

ఇక సినిమాకు సంబంధించిన మరొక ఆసక్తికరమైన పాయింట్ ప్రస్తుతం సోషల్ మీడియాలో వైరల్ గా మారింది. దర్శకుడు నాగ్ అశ్విన్ ఒక సన్నివేశం విషయంలో మార్పులు చేయక తప్పడం లేదట. బాలీవుడ్ ఇండస్ట్రీలో తెరకెక్కుతున్న మరొక సినిమాకు పోలిక ఉందని ఒక కీలకమైన ఎపిసోడ్ ను మార్చే ఆలోచనలో ఉన్నట్లు సమాచారం. ప్రాజెక్ట్ K లో టైమ్ ట్రావెలింగ్ చేసే క్రమంలో హీరో ఒక ఆయుధాన్ని అందుకొని ఒక సమస్యను సాల్వ్ చేస్తాడట.

అయితే ఆ సన్నివేశాలకు అలాగే బాలీవుడ్ బ్రహ్మాస్త్ర సినిమాకు చాలా దగ్గరి పోలికలు ఉన్నట్లు తెలియడంతో నాగ్ అశ్విన్ ఆ ఆలోచనను మార్చే పనిలో ఉన్నట్లు తెలుస్తోంది. అలియా భట్, రణ్ బీర్ కపూర్ జంటగా నటిస్తున్న బ్రహ్మాస్త్ర సినిమాలో నాగార్జున ఒక ముఖ్యమైన పాత్రలో నటిస్తున్నారు. అలాగే మెగా అమితాబ్ బచ్చన్ కూడా ప్రత్యేకమైన పాత్రలో కనిపించబోతున్నారు. ఇక అమితాబ్ బచ్చన్ ప్రాజెక్ట్ Kలో నటిస్తుండగా ఆయన సలహతోనే నాగ్ అశ్విన్ ఆ సన్నివేశాన్ని మార్చడానికి నిర్ణయం తీసుకున్నాడట.

500 కోట్లతో రూపొందిస్తున్న సినిమా కాబట్టి మరో సినిమాతో పెద్దగా పోలికలు ఉండకూడదు అని నాగ్ అశ్విన్ స్క్రిప్ట్ లో మార్పులు చేస్తున్నట్లు సమాచారం. ఇక ఈ సినిమాను వచ్చే ఏడాది సమ్మర్ లో విడుదల చేయాలని అనుకుంటున్నట్లు ఇటీవల నిర్మాత ఆశ్వినీ దత్ ఒక క్లారిటీ అయితే ఇచ్చారు. అయితే కేవలం సినిమా షూటింగ్ అనుకున్నట్లే జరిగితే ఆ సమయానికి వస్తుందని లేకపోతే మరో రెండు నెలలు అటు ఇటుగా వాయిదా పడే అవకాశం ఉన్నట్లు తెలుస్తోంది.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!

Share.