సమంత నటించిన యశోద సినిమా ఈ నెల11వ తేదీన థియేటర్లలో విడుదలై ప్రేక్షకులను ఆకట్టుకుంది. మరీ భారీ స్థాయిలో ఈ సినిమా లాభాలు అందించలేకపోయినా ఫుల్ రన్ లో ఈ సినిమా బ్రేక్ ఈవెన్ అయ్యే అవకాశాలు అయితే ఉన్నాయి. యశోద సినిమా సక్సెస్ సాధించిన నేపథ్యంలో ఈ సినిమా సక్సెస్ మీట్ సందర్భంగా దర్శకనిర్మాతలు యశోద సినిమాకు సీక్వెల్ తెరకెక్కుతుందని వెల్లడించారు. యశోద మేకర్స్ ఈ సినిమాను థ్రిల్లింగ్ బ్లాక్ బస్టర్ అని ప్రమోట్ చేసుకుంటున్నారు.
అయితే ఈ పోస్టర్ లోని “THRILLING BLOCKBUSTER” లో N, C లెటర్స్ లో సమంత ఫోటోలను స్పెషల్ గా డిజైన్ చేయడం హాట్ టాపిక్ అవుతోంది. నాగ చైతన్య పేరులోని మొదటి అక్షరాలను కావాలని పోస్టర్ లో ఉండేలా జాగ్రత్తలు తీసుకుని అందులో సమంత ఫోటోలను డిజైన్ చేశారంటూ చైతన్య అభిమానులు కామెంట్లు చేస్తున్నారు. చైతన్య అభిమానులు చేస్తున్న కామెంట్ల విషయంలో మేకర్స్ ఏ విధంగా స్పందిస్తారో చూడాల్సి ఉంది.
సమంత సూచనల మేరకే మేకర్స్ పోస్టర్ ను ఈ విధంగా డిజైన్ చేశారా? లేక సమంతకు తెలియకుండా ఈ విధంగా జరిగిందా? అనే ప్రశ్నలకు సమాధానం దొరకాల్సి ఉంది. చాలామంది ఈ విషయాన్ని చిన్న విషయంగా భావించవచ్చని మేము మాత్రం చాలా హర్ట్ అయ్యామని చైతన్య ఫ్యాన్స్ వెల్లడిస్తున్నారు.
చైతన్య ప్రస్తుతం వరుస ప్రాజెక్ట్ లతో బిజీగా ఉండగా వెంకట్ ప్రభు డైరెక్షన్ లో చైతన్య హీరోగా ఒక సినిమా తెరకెక్కుతోంది. పరశురామ్ డైరెక్షన్ లో చైతన్య హీరోగా తెరకెక్కాల్సిన సినిమాకు సంబంధించి త్వరలో అప్ డేట్ రానుందని ఇండస్ట్రీ వర్గాల్లో వినిపిస్తోంది. లవ్ స్టోరీ, బంగార్రాజు సినిమాలతో సక్సెస్ సాధించిన నాగచైతన్యకు తర్వాత సినిమా ఫలితాలు భారీ షాకిచ్చాయనే సంగతి తెలిసిందే.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
