నాగ చైతన్య (Naga Chaitanya) సాయి పల్లవి (Sai Pallavi) జంటగా నటిస్తున్న తండేల్ (Thandel) సినిమా విడుదలకు సిద్ధమైంది. చందూ మొండేటి (Chandoo Mondeti) దర్శకత్వంలో తెరకెక్కిన ఈ చిత్రం, శ్రీకాకుళం జిల్లాలో జరిగిన నిజ సంఘటన ఆధారంగా రూపొందింది. జీఏ2 ఆర్ట్స్ బ్యానర్‌పై అల్లు అరవింద్ (Allu Aravind) సమర్పణలో, బన్నీ వాసు (Bunny Vasu) ఈ చిత్రాన్ని నిర్మిస్తున్నారు. పీరియాడిక్ లవ్ స్టోరీగా తెరకెక్కిన ఈ సినిమాపై మొదటి నుండి అంచనాలు ఉన్నాయి. ఇప్పటివరకు విడుదలైన పోస్టర్లు, పాటలు, టీజర్, ట్రైలర్ మంచి హైప్ క్రియేట్ చేశాయి.
ఇక లేటెస్ట్ సమాచారం ప్రకారం, తండేల్ సెన్సార్ కార్యక్రమాలను పూర్తి చేసుకుంది. సెన్సార్ బోర్డు ఈ చిత్రానికి U/A సర్టిఫికెట్‌ను జారీచేసింది. సినిమా నిడివి విషయంలో కూడా మేకర్స్ ఫైనల్ క్లారిటీ ఇచ్చారు. మొదట 2 గంటల 45 నిమిషాల నిడివిగా ప్లాన్ చేసినప్పటికీ, కొన్ని అనవసర సీన్స్ ట్రిమ్ చేసిన తర్వాత, రన్ టైమ్ 2 గంటల 25 నిమిషాలకు తగ్గించారని సమాచారం.
ఎడిటర్ నవీన్ నూలి (Naveen Nooli) అందించిన క్రిస్ప్ ఎడిటింగ్ కారణంగా, సినిమాకు మరింత పేస్ పెరిగినట్లు తెలుస్తోంది. ఇప్పటికే ఈ సినిమా మ్యూజిక్‌కు అద్భుతమైన స్పందన వచ్చింది. విడుదలైన మూడు పాటలు మ్యూజిక్ లవర్స్‌ను కట్టిపడేశాయి. దేవి అందించిన సౌండ్‌ట్రాక్, సినిమా విజయంలో కీలకంగా మారనుంది. ఇక ట్రైలర్ విషయానికొస్తే, సినిమా అంచనాలను భారీగా పెంచేసింది. సినిమా ప్రమోషన్స్ ప్రస్తుతం ఫుల్ స్వింగ్‌లో ఉన్నాయి.
ముంబయిలో కూడా ప్రమోషనల్ ఈవెంట్స్‌ను మేకర్స్ ప్లాన్ చేశారు. ఫిబ్రవరి 7న తెలుగు, తమిళ, హిందీ భాషల్లో గ్రాండ్ రిలీజ్ కాబోతున్న తండేల్, బాక్సాఫీస్ వద్ద బ్లాక్‌బస్టర్ హిట్ కొట్టడం ఖాయమని ట్రేడ్ వర్గాలు అంచనా వేస్తున్నాయి. నాగ చైతన్య – సాయి పల్లవి జంట మరోసారి మెస్మరైజ్ చేస్తారా? అనేది ఆసక్తిగా మారింది. మరి తండేల్ బాక్సాఫీస్ వద్ద ఎంత భారీ విజయాన్ని అందుకుంటుందో చూడాలి.
Home