Naga Chaitanya: చైతన్య థ్రిల్లర్ మూవీ.. అప్పుడే డీల్స్ క్లోజా?

నాగ చైతన్య (Naga Chaitanya), ‘విరూపాక్ష’ (Virupaksha)   ఫేమ్ దర్శకుడు కార్తీక్ దండుతో (Karthik Varma Dandu) కలిసి తన 24వ సినిమాను రూపొందిస్తున్నాడు. ‘తండేల్’ (Thandel) తర్వాత చైతన్య నటిస్తున్న ఈ చిత్రం మరో మిస్టిక్ థ్రిల్లర్‌గా తెరకెక్కుతోంది. ‘విరూపాక్ష’ సినిమాతో సాయి ధరమ్ తేజ్ (Sai Dharam Tej) కెరీర్‌లో అతిపెద్ద హిట్ ఇచ్చిన కార్తీక్ దండు, ఈసారి చైతన్యతో మరో బ్లాక్‌బస్టర్ కోసం సన్నాహాలు చేస్తున్నాడు. ఈ సినిమా ఇటీవలే సెట్స్‌పైకి వెళ్లింది, ప్రస్తుతం 10% షూటింగ్ మాత్రమే పూర్తయింది. అయితే, ఈ సినిమా షూటింగ్ సగం కూడా పూర్తవకముందే దాని థియేట్రికల్ రైట్స్ వరల్డ్‌వైడ్‌గా అమ్ముడుపోయాయని సమాచారం.

Naga Chaitanya

సితార ఎంటర్‌టైన్‌మెంట్స్ బ్యానర్‌పై నాగవంశీ(Suryadevara Naga Vamsi) ఈ రైట్స్‌ను దక్కించుకున్నాడని తెలుస్తోంది. ఆంధ్రప్రదేశ్, నైజాం, సీడెడ్, ఇతర రాష్ట్రాలు, ఓవర్సీస్‌తో సహా అన్ని థియేటర్ హక్కులను రూ. 30-40 కోట్ల మధ్యలో క్లోజ్ చేసినట్లు ఫిల్మ్ నగర్ వర్గాలు చెబుతున్నాయి. నిర్మాతలకు ఇది లాభదాయక డీల్‌గా చెప్పవచ్చు, ఎందుకంటే సినిమా ఇంకా ప్రారంభ దశలోనే ఉంది, ఈ డీల్ వల్ల నిర్మాతలకు అడ్వాన్స్‌గా సగం మొత్తం అందుతుంది. సినిమా షూటింగ్ ఇటీవలే మొదలైనందున, చిత్రీకరణ పూర్తయి విడుదలకు కనీసం ఏడాది సమయం పట్టే అవకాశం ఉంది.

ఈ సమయంలో డీల్ మొత్తంపై వడ్డీ కూడా కలిసి వస్తుంది, ఇది నిర్మాతలకు ఆర్థికంగా మరింత లాభం చేకూరుస్తుంది. NC24గా రూపొందుతున్న ఈ సినిమాకు ఈ డీల్‌తో భారీ బిజినెస్ జరిగిందని, అదే సమయంలో సినిమాకు మంచి బజ్ కూడా ఏర్పడిందని ట్రేడ్ వర్గాలు చెబుతున్నాయి. ‘విరూపాక్ష’ విజయం, చైతన్య ఇటీవలి చిత్రం ‘తండేల్’ బ్లాక్‌బస్టర్‌గా నిలవడం ఈ డీల్‌కు కలిసొచ్చాయని అంటున్నారు. కార్తీక్ దండు తనదైన శైలిలో మిస్టిక్ థ్రిల్లర్‌ను రూపొందిస్తున్నాడు, ఈ సినిమా 2026 ద్వితీయార్థంలో విడుదల కానుందని అంచనా. ఇప్పటికే సినిమాకు భారీ బజ్ ఏర్పడటం, థియేట్రికల్ రైట్స్ డీల్ క్లోజ్ కావడం చైతన్య కెరీర్‌లో మరో విజయానికి సంకేతంగా కనిపిస్తోంది.

ఈ సినిమాలో చైతన్య ఇంటెన్స్ రోల్‌లో కనిపించనున్నాడని, కార్తీక్ మిస్టరీ ఎలిమెంట్స్‌తో ఆకట్టుకునేలా సన్నాహాలు చేస్తున్నాడని సమాచారం. ‘విరూపాక్ష’తో దర్శకుడిగా తన సత్తా చాటిన కార్తీక్, ‘తండేల్’తో విజయవంతమైన ఫామ్‌లో ఉన్న చైతన్య కాంబినేషన్ ఈ సినిమాను బాక్సాఫీస్ వద్ద ఎలాంటి రికార్డులను సృష్టిస్తుందో చూడాలి. షూటింగ్ మొదలైన కొద్ది రోజుల్లోనే డీల్స్ క్లోజ్ కావడం ఈ సినిమాపై నమ్మకాన్ని చూపిస్తోంది. చైతన్య అభిమానులు ఈ మిస్టిక్ థ్రిల్లర్ కోసం ఆసక్తిగా ఎదురుచూస్తున్నారు.