Ustaad Bhagat Singh: ‘హరిహర వీరమల్లు’ రిలీజ్ రోజునే ‘ఉస్తాద్..’ కూడా..?!

పవన్ కళ్యాణ్ (Pawan Kalyan) తన సినిమా షూటింగ్లను తిరిగి ప్రారంభించారు. ఆయన కంప్లీట్ చేయాల్సిన సినిమా 3 ఉన్నాయి. 5 ఏళ్ల క్రితం ప్రారంభమైన ‘హరిహర వీరమల్లు’ (Hari Hara Veera Mallu) షూటింగ్ ను ఎట్టకేలకు కంప్లీట్ చేశారు. అయితే ఎప్పుడు రిలీజ్ అవుతుంది అనే దానిపై స్పష్టత రాలేదు. కానీ పవన్ వరకు తన బాధ్యత నిర్వర్తించారు. జూన్ 12న రిలీజ్ చేయడానికి నిర్మాత ప్రయత్నిస్తున్నారు. త్వరలోనే ట్రైలర్ ని రిలీజ్ చేసి.. దాని ద్వారా రిలీజ్ డేట్ ప్రకటించాలనే ఆలోచన టీంలో ఉంది.

Ustaad Bhagat Singh

ఆ తర్వాత ఆంధ్రాలో ప్రీ రిలీజ్ వేడుకను అలాగే సుమతో ఓ కామన్ ఇంటర్వ్యూని చేయాలని కూడా మేకర్స్ ప్లాన్ చేస్తున్నారు. ఇవి ‘హరిహర వీరమల్లు’ రిలీజ్ ప్లాన్స్. మరోపక్క ‘ఓజి’ (OG Movie) విషయంలో కూడా పవన్ స్పెషల్ ఫోకస్ పెట్టారు. పవన్ పార్ట్ కాకుండా మిగిలిన షూటింగ్ చాలా వరకు కంప్లీట్ అయిపోయింది. పవన్ కళ్యాణ్ ఒక 2 వారాలు డేట్స్ ఇస్తే.. ఇది కూడా కంప్లీట్ అయిపోతుంది.

ఈరోజు పవన్ ‘ఓజి’ షూటింగ్లో జాయిన్ అయ్యారు. ఈ నెలాఖరుకి ఇది కంప్లీట్ అయిపోతుంది. ఇక హరీష్ శంకర్ (Harish Shankar) దర్శకత్వంలో చేయాల్సిన ‘ఉస్తాద్ భగత్ సింగ్’ కి (Ustaad Bhagat Singh) కూడా పవన్ మోక్షం కలిగించనున్నారు. జూన్ చివరి వారం నుండి ‘ఉస్తాద్ భగత్ సింగ్’ కి డేట్స్ ఇస్తానని పవన్ టీంకి చెప్పారట. అయితే ఇప్పుడు ఇంకాస్త ముందుగానే ‘ఉస్తాద్..’ కి పవన్ డేట్స్ ఇస్తున్నారని తెలుస్తుంది.

అందుతున్న సమాచారం ప్రకారం.. జూన్ 12 నుండి పవన్ షూటింగ్ కి వస్తానని దర్శకుడు హరీష్ అండ్ టీంకి చెప్పారట. ఈ కీలక షెడ్యూల్లో హీరోయిన్ శ్రీలీల (Sreeleela), మరో హీరోయిన్ సాక్షి వైద్య (Sakshi Vaidya), సీనియర్ నటి గౌతమి, అశుతోష్ రానా (Ashutosh Rana) ,బి.ఎస్.అవినాష్ వంటి నటీనటులు ఈ షెడ్యూల్లో పాల్గొనబోతున్నట్టు సమాచారం.

‘కోర్ట్’ దర్శకుడు భలే ఛాన్స్ కొట్టేశాడు..!