Nagarjuna, Naga Chaitanya, Samantha: నాగార్జున ఎమోషనల్ పోస్ట్!

October 3, 2021 / 06:11 AM ISTByFilmy Focus

Join Us

Nagarjuna, Naga Chaitanya, Samantha: నాగార్జున ఎమోషనల్ పోస్ట్!

నాగచైతన్య-సమంతల సెపరేషన్ పై నాగార్జున ఎమోషనల్ అయ్యారు. ఈ మేరకు సోషల్ మీడియా వేదికగా ఓ పోస్ట్ పెట్టారు. ఎంతో బరువైన హృదయంతో ఈ విషయాన్ని చెప్పాల్సి వస్తోందని.. చై-సామ్ లు విడిపోవడం నిజంగా దురదృష్టకరమని అన్నారు. భార్యా భర్తల మధ్య ఏం జరిగినా.. అది వాళ్ల వ్యక్తిగతమని చెప్పారు. సమంత-చైతు తనకు చాలా ప్రియమైన వ్యక్తులని అన్నారు. సమంతతో నా కుటుంబం గడిపిన ప్రతి క్షణం ఎంతో మధురమైనది.. ఆమె మా కుటుంబానికి చాలా దగ్గరైందని ట్విట్టర్ లో రాసుకొచ్చారు.

దేవుడు వాళ్లిద్దరికీ మనో ధైర్యాన్ని ఇవ్వాలని ప్రార్థిస్తున్నానని.. వారికి నా ఆశీస్సులు ఎప్పుడూ ఉంటాయని ఎమోషనల్ గా రాసుకొచ్చారు. ఈ పోస్ట్ పై నెటిజన్లు రకరకాలుగా స్పందిస్తున్నారు. ఇలాంటి సమయంలో చైతుకి తోడుగా మీరే ఉండాలంటూ నాగార్జునకి చెబుతున్నారు. గత కొన్ని రోజులుగా నాగచైతన్య-సమంతలు వార్తలు వినిపించినా.. అవి నిజం కాకూడదని అభిమానులు కోరుకున్నారు. కానీ ఈరోజు స్వయంగా చైతు-సామ్ ప్రకటించడంతో సోషల్ మీడియా వేదికగా పలువురు విచారం వ్యక్తం చేస్తున్నారు.