ఇప్పుడు టాలీవుడ్, బాలీవుడ్ అని కాదు… ఏ వుడ్‌లో అయినా మల్టీస్టారర్‌ సినిమాల టైమ్‌ నడుస్తోంది. పెద్ద హీరోలు చాలామంది మరో పెద్ద హీరోతోనో, కుర్ర హీరోతోనో స్క్రీన్‌ షేర్‌ చేసుకోవడానికి సిద్ధపడుతున్నారు. అలా సినిమా ప్రేక్షకులకు కనుల పండువ చేస్తున్నారు. తాజాగా మరోసారి అలాంటి కాంబో సిద్ధమవుతోందా? అవుననే అంటున్నాయి టాలీవుడ్ అండ్‌ కోలీవుడ్‌ వర్గాలు. రెండు వర్గాలు ఏంటి అనే డౌట్‌ పడుతున్నారా. అవును రెండు వర్గాలే. ఎందుకంటే ఈ సినిమా మల్టీవుడ్స్‌ స్టార్స్‌తో రూపొందనుంది.
అజిత్ – వినోథ్‌ కాంబోలో ప్రస్తుతం ‘వలిమై’ అనే సినిమా రూపొందుతున్న విషయం తెలిసిందే. త్వరలోనే సినిమా ప్రేక్షకుల ముందుకు రానుంది. అయితే ఈ సినిమా తర్వాత మరో సినిమా ఇదే కాంబినేషన్‌లో ఉంటుందని వార్తలొస్తున్న విషయం తెలిసిందే. ప్రముఖ నిర్మాత బోనీ కపూర్‌ ఈ సినిమాను నిర్మిస్తారనే విషయమూ మీకు తెలిసే ఉంటుంది. ఈ సినిమాలో అజిత్‌తోపాటు మరో కీలక పాత్ర ఉందని, దానికి ఎవరు బాగుంటారు, ఎవరు నటిస్తే సినిమాకు సూపర్‌ హైప్‌ వస్తుంది అనే ఆలోచనలో పడ్డారట. దానికి సమాధానంగా రెండు పేర్లు వచ్చాయని టాక్‌.
వినోథ్‌ అండ్‌ టీమ్ ఆలోచనలో ఉన్న రెండు పేర్లలో ఒకటి నాగార్జున అయితే రెండోది మోహన్‌ లాల్‌ అట. ప్రస్తుతం ఈ వార్త సోషల్‌ మీడియాలో వైరల్‌గా మారింది. ఆ సినిమా కథలో ఓ పోలీసు పాత్ర ఉందని, దాన్ని స్టార్ హీరో ఎవరైనా పోషిస్తే అదిరిపోతుందని చిత్రబృందం అనుకుంటోదట. ఈ క్రమంలోనే ఇతర పరిశ్రమల నుండి తీసుకొస్తే సినిమాకు పాన్‌ ఇండియా కలర్‌ కూడా వస్తుంది కదా అని అనుకుంటున్నారట. అలా తొలుత నాగార్జునను ఓకే చేసుకునే ఆలోచనలో ఉన్నారట. ఒకవేళ నాగ్ వీలవదు అన్న పక్షంలో మోహన్‌లాల్‌తో మాట్లాడతారని అంటున్నారు.
బోనీ కపూర్‌కి నాగ్‌కి మంచి అనుబంధమే ఉంది. అడిగితే ఓకే చెప్పే అవకాశం ఉంది. అందులోనూ అజిత్‌తో కూడా మంచి రిలేషనే ఉంది. కాబట్టి అవకాశాలున్నాయి. మరి వేరే సినిమాల వల్ల డేట్స్ కుదరకపోతే ఏం చేయలేం. మరి ఈ పుకార్లలో నిజమెంత, సాధ్యమయ్యేదెంత అనేది చూడాలి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home